Ben Affleck

Da Wikipedia.
Jump to navigation Jump to search

C'l artìcul chè 'l è scrit in Miranduléś Emiliàn

Ben Affleck tòlt śò in dal 2009


Benjamin Géza Affleck-Boldt (Berkeley, 15 'd Agóst dal 1972), cgnusû méj cuma Ben Affleck, 'l è 'n atōr, senegiadōr, prudutōr e regìsta americàṅ.

In dla sò caréra 'l à vins dū Prèmi Òscar, in dal 1998 insém a 'l sò amìg Matt Damon par la senegiadùra uriginàla dal film Will Hunting - Genio ribelle e in dal 2013 p'r al film Argo da lò dirèt e prudót.

Al gh'à 'n fradèl ch'al fà 'l atōr anc lò, Casey Affleck.

Biugrafìa

Nâ in Califòrgna, Affleck al spatìna da pìcul a Cambridge in dal Massachusetts in du al cgnós Matt Damon ch'al vivìva darènt a lò. Dòp ès'r-as diplumâ a la Cambridge Rindge and Latin High School, Affleck al gira Scuola d'onore insém a Brendan Fraser, Chris O'Donnell e a Matt Damon. In séguit al gh'à na part pìcula in dal film Generazione X ad Kevin Smith. C'n al regìsta dal New Jersey Ben al girarà in séguit anc al pelìculi In cerca di Amy (1997), Dogma (1999), Jay & Silent Bob... Fermate Hollywood! (2001), Jersey Girl (2004) e Clerks II (2006).

In dal 1997 al s mét in bisàca 'l Prèmi Òscar par la senegiadùra uriginàla dal film Will Hunting - Genio ribelle e i s vèr'n al pòrt dal sucès par lò c'n i film Shakespeare in love (1998) e Armageddon ad Michael Bay. In chi an lè al dvènta 'l murós dla Gwyneth Paltrow ch'la gira sèg Bounce in dal 2000.

In dal 2001 Affleck 'l è 'l prutagunìsta dal blockbuster Pearl Harbor pò al gira dū film cun la Jennifer Lopez, sò muróśa in alóra, Amore estremo - Tough Love e Jersey Girl ma chè i s éran bèla mulâ. In dal 2003 su 'l set ad Daredevil al cgnós la Jennifer Garner ch'la dvènta sò mujér. In dal 2006 al vins la Cópa Volpi a 'l 63śum Fèstival ad Venèsia p'r al film Hollywoodland.

Filmugrafìa

Cuma atōr

Da regìsta

Culegamènt estéran

Àtar prugèt