Scuola d'onore

Da Wikipedia.
Jump to navigation Jump to search

C'l artìcul chè 'l è scrit in Miranduléś Emiliàn

Video-x-generic.svg School Ties
Scuola d'onore
Scuola d'onore.png
Brendan Fraser in na figùra dal film
Scóla 'd unōr
1992
Regia: Robert Mandel
Scritùr: Darryl Ponicsan • Dick Wolf
Atùr: Brendan FraserMatt DamonBen Affleck
Chris O'DonnellRandall BatinkoffAmy Locane
Cole HauserZeljko IvanekGwyneth Paltrow
Müsica: Maurice Jarre
Lengua: IngléśFrancéśEbrèj
Dürä dal film: 106 minüt
Nasiòṅ: Stat Unî


«
Sōl parchè at sē stâ tòlt a n vōl minga dir ch'at sē òṅ 'd lōr.»
(Tagline dal film)


Scuola d'onore (Scóla 'd unōr) 'l è 'n film dramàtic dal 1992 girâ par Robert Mandel.

La pelìcula l'à fat sù da piò ad quatórdas migliòṅ ad dòlar.

Sunt

David Greene (Brendan Fraser) 'l è 'n ragàs ebrèj dna famìja 'd uperàj ad Scranton (Pennsylvania) ch'in di an Sinquànta al vins na bórsa 'd studi, 'l è dimóndi brâṿ a śugàr a Fùtbol Americàṅ, p'r andàr a studiàr a la St. Matthew's, 'n impurtànt culéǵ dal Massachusetts par gint cun di bèsi. Quànd al riva là al gh'à la manéra 'd cgnósar i sò cumpàgn nóṿ, Rip Van Kelt (Randall Batinkoff), Charlie Dillon (Matt Damon), Jack Connors (Cole Hauser) e Chris Reece (Chris O'Donnell) ch'al divìd la cambra sèg. Quànd al vèṅ a savēr che chi lōr i n s cumpatìsan briśa gl'ebrèj al decìd ad tgnir lugâ 'l sò segrét par tiràr avànti.

Par via dla sò bravitù in dal śugàr al tira sù la squàdra dla scóla ch'la s la pasàva mâł e al fà cōlp su la Sally Wheeler (Amy Locane) faghénd dvintàr gelóś Charlie ch'l è inamurâ 'd lē. Quànd chi lò al dascóva la véra su 'd lò al cònta incòsa a tut chi àtar ch'i tàc'n acsè a mét'r-al da na banda esénd tut di antisemìta. Qvél più catìṿ 'l è Richard Collins (Anthony Rapp) ch'al gh dà adòs dimóndi. Anc la Sally la gh vòlta 'l spali dgénd-ag ch'al n éra minga stâ sćèt sèg fiṅ da subìt. Un dè David al cata scrit ad sōvar dal sò lèt „Và a cà tua ebrèj“ cun dal śvastìchi.

Durànt un còmpit in clas ad stòria David al véd Dillon lugàr in dla maṅ un fujét cun scrit di sò apùt da cupiàr ma a la fiṅ dla próa, quànd tut i vànan fóra, al gh casca śò par tèra sénsa vlēr e 'l prufesōr Geirasch (Michael Higgins) al gh fà a mènt e 'l al cata sù. Chi lò al s arlìa dimóndi e al decìd ad far-la pagàr cara a tut s'al culpévul al n salta minga fóra da par lò. David al diś a Charlie ch'al sà incòsa ma 'l è pròpria lò a denunsiàr-al cuntànd na bala.

Culegamènt estéran