In cerca di Amy

Da Wikipedia.
Jump to navigation Jump to search

C'l artìcul chè 'l è scrit in Miranduléś Emiliàn

Video-x-generic.svg Chasing Amy
In cerca di Amy
In cerca di Amy.png
Affleck e la Adams in na figùra dal film
Pascànd l'Amy
1997
Regia: Kevin Smith
Scritùr: Kevin Smith
Atùr: Ben AffleckMatt DamonCasey Affleck
Joey Lauren AdamsJason LeeDwight Ewell
Jason MewesKevin SmithScott Mosier
Müsica: David Pirner
Lengua: Ingléś
Dürä dal film: 111 minüt
Nasiòṅ: Stat Unî


«
Al sès 'l è 'n quèl fàcil, 'l è 'l amōr ch'l è dûr.»
(Tagline dal film)


In cerca di Amy (Pascànd l'Amy) l'è na cumèdia americàna dal 1997 ad Kevin Smith ch'al l'à anc scrita.

Sunt

Holden McNeil (Ben Affleck) e Banky Edwards (Jason Lee) i èṅ amìg par la pèl da dimóndi tèmp. I divìdan la pasiòṅ p'r i fumét e acsè i aṅ decìś ad scrìv'r-an òṅ da 'l tìtul „Bluntman & Chronic“ ch'l è drē a dvintàr anc un cartòṅ animâ. I dū prutagunìsta i tōś'n ispirasiòṅ da dū spaciadōr dimóndi gustóś, Jay (Jason Mewes) e Silent Bob (Kevin Smith).

Durànt na móstra 'd fumét, al sò amìg e culéga Hooper X (Dwight Ewell) al gh preśénta l’Alyssa Jones (Joey Lauren Adams), una ch'la lavóra anc lē in cal mónd lè. Holden al pèrd la tèsta par cla biónda lè ma a gh'è 'n prubléma parchè lì lē l'è na lèśbica. In tut al manéri i dū i tàc'n a 'ndàr fóra insém cuma amìg e Banky al s 'l à par mâł parchè al gh'à paùra che la ragàsa la gh pòsa purtàr via 'l sò amìg. Quànd a pâr che fra i dū al ròbi i tàc'n a giràr, Banky, ch'l è cuntràri a cla relasiòṅ lè, al gh và a fónd e al vèṅ a savēr ch'in di tèmp dla scóla l’Alyssa l'éra andàda a lèt cun dū óm in na vòlta sōla. Holden al s incàsa sèg e pò anc cun l’Alyssa ch'la gh'iva tgnû nascòst al fat ch'l'éra bèla stada cun di masć, cla buśiàrda. La stòria fra i dū a finìs lè.

A pasa 'l tèmp e Holden al s véd cun Jay e Silent Bob par dascórar di dirìt dal fumét e anc dla sò vita. Bob, ch'al n vèra dagnóra mai la bóca, al salta sù dgénd che Holden «'l è drē a pascàr l'Amy» parchè na vòlta lò al gh'à abû na stòria dal gènar cun na ragàsa ad nóm Amy ma pò al s è pintî 'd avér-la mulàda.

Holden al capìs ch'al gh'à da giustàr i rapòrt cun l’Alyssa e cun Banky parchè i èṅ impurtànt par lò.

Culegamènt estéran