Daddy and Them

Da Wikipedia.
Jump to navigation Jump to search

C'l artìcul chè 'l è scrit in Miranduléś Emiliàn

Video-x-generic.svg Daddy and Them
Daddy and Them
Daddy and Them.png
La Lee Curtis, la Blethyn e Affleck in na figùra dal film
Papà e lì lōr
2001
Regia: Billy Bob Thornton
Scritùr: Billy Bob Thornton
Atùr: Billy Bob ThorntonLaura DernDiane Ladd
Jim VarneyJamie Lee CurtisBen Affleck
Müsica: Larry Paxton • Marty Stuart • Kristin Wilkinson
Lengua: Ingléś
Dürä dal film: 101 minüt
Nasiòṅ: Stat Unî


«
A n gh'è gnint ad pèś che far-as fargàr al marè da tò surèla.»
(Tagline dal film)


Daddy and Them (Papà e lì lōr) l'è na cumèdia dramàtica americàna dal 2001 ad Billy Bob Thornton ch'al l'à anc scrita e recitàda da prutagunìsta.

L'è stada giràda a in Arkànsas a Cabot e a Little Rock c'n un budget ad quàtar migliòṅ ad dòlar.

Sunt

Al sunadōr Claude Montgomery (Billy Bob Thornton) e sò mujér, la Ruby (Laura Dern), i èṅ spuśâ da dimóndi tèmp e i vìv'n in na sità 'd pruvìnsa in dal sud di Stat Unî. Anc s'i s lìtgan da spés i s vōl'n anc un muć ad bèṅ ma la Ruby l'è gelóśa 'd sò surèla Rose (Kelly Preston), amìga 'd sò marè vint an prima. Sò màdar Jewel (Diane Ladd) invéci la n è minga tant cuntènta 'd lò parchè 'l è sōl un buletàri ch'al fà fadìga a catàr un lavōr sèri e gnanc a tajàr al salsìsi i al tōśan.

Un dè a riva la nutìsia ch'un sò sîṅ ad Little Rock, Hazel Montgomery (Jim Varney), al gh'à di guàj cun la giustìsia e 'l è finî a prucès p'r un masamènt. La còpia la partìs p'r andàr a catàr tut i parènt ma pò i s ardùś'n a ciulàr in sal còfan dla màchina e 'l dè dòp òṅ ad chi lōr al i bèca mèś nûd. I rìvan lè anc gl'avucàt 'd Hazel, Lawrence Bowen (Ben Affleck) e sò mujér Elaine (Jamie Lee Curtis) e i s in dìś'n ad tut i culōr, lò ch'al pàd'r ad lē al gh'à cumprâ na caréra c'n i sò bèsi e lē, la cougar, che da 'n ragàs ad trént'an la sa spetarév na gusàda ch'la durìs da piò ad quàtar minùt e ch'in tut al manéri la balésa la dura pôc, và mò là.

Culegamènt estéran