To the Wonder

Da Wikipedia.
Jump to navigation Jump to search

C'l artìcul chè 'l è scrit in Miranduléś Emiliàn

Video-x-generic.svg To the Wonder
To the Wonder.png
Ben Affleck e la McAdams in na figùra dal film
Vèrs la maravìja
2012
Regia: Terrence Malick
Scritùr: Terrence Malick
Atùr: Ben AffleckOlga KurylenkoJavier Bardem
Rachel McAdamsRomina MondelloDarryl Cox
Charles BakerMarshall BellTatiana Chiline
Müsica: Hanan Townshend
Lengua: IngléśFrancéś
SpagnōlItagliàṅLéngua di ségn
Dürä dal film: 112 minüt
Nasiòṅ: Stat Unî


«
Da 'l regìsta ad „The Tree of Life“.»
(Tagline dal film)


To the Wonder (Vèrs la maravìja) 'l è 'n drama rumàntic dal 2012 scrit e dirèt par Terrence Malick.

Al film, girâ a Parì e in Oklahoma e preśentâ a 'l 69śum Fèstival ad Venèsia, 'l à fat sù dū migliòṅ e sèt ad dòlar.

Sunt

'L americàṅ Neil (Ben Affleck), ispetōr ambientàł, durànt un viàś a Parì al cgnós na balarìna uriginària dl'Ucraìna ciamàda Marina (Olga Kurylenko) ch'l'è anc na màdar divursiàda cun na fiōla 'd déś an da crésar, la Tatiana (Tatiana Chiline). 'L óm al taca na stòria 'd amōr sèg e i dū i pàsan na vacànsa su l'ìśula 'd Mont Saint-Michel in Nurmandìa, pò al śōv'n al gh śibìs 'd andàr a vìv'r insém cun la baghéta in di Stat Unî in un paiśèṅ d'l Oklahoma in du 'l gh'à la cà.

Dòp i prim mumènt bèi, in du Neil al fà da pàdar par la ragasōla, al rapòrt al dvénta tévad e la Marina la cata cunfòrt in un prēt in criśi cun la fēd, pàdar Quintana (Javier Bardem). La Tatiana la s cata mâł lè e la n è briśa bòna 'd far-as di amìg. Scadû al sò vist, la Marina la decìd ad turnàr in Frància.

In séguit Neil al tórn' insém a la Jane (Rachel McAdams), na dóna spuśàda ch'al cgnós da quànd i éran pìcui e ch'adès l'è drē a pèrd'r al sò ranch par cólpa di dèbit ad śōg ad sò marè, ma sōl par pôc parchè la Marina, ch'la n cata briśa lavōr, la decìd ad turnàr da lò dòp che sò fiōla l'è andàda a star da sò pàdar.

Culegamènt estéran