Shakespeare in love

Da Wikipedia.
Jump to navigation Jump to search

C'l artìcul chè 'l è scrit in Miranduléś Emiliàn

Video-x-generic.svg Shakespeare in love
Shakespeare in love.png
Fiennes e la Paltrow in na figùra dal film
Shakespeare inamurâ
1998
Regia: John Madden
Scritùr: Marc Norman • Tom Stoppard
Atùr: Joseph FiennesGwyneth Paltrow
Ben AffleckGeoffrey RushTom Wilkinson
Judi DenchColin FirthSteven O'Donnell
Simon CallowRupert EverettMartin Clunes
Antony SherImelda StauntonBarnaby Kay
Müsica: Stephen Warbeck
Lengua: Ingléś
Dürä dal film: 115 minüt
Nasiòṅ: Stat UnîRégn Unî


«
'L amōr l'è la sōla ispirasiòṅ.»
(Tagline dal film)


Shakespeare in love (Shakespeare inamurâ) l'è na cumèdia rumàntica americàna e ingléśa dal 1998 ad John Madden ch'l'à vins sèt Prèmi Òscar. Cun trédas nomination in tut 'l è 'l film ch'al 'n à muciâ da piò dòp Eva contro Eva e Titanic cun quatórdas. Inóltar 'l à purtâ a cà anc tri Golden Globe.

Al cònta la stòria 'd amōr ad William Shakespeare cun la Lady Viola, una ch'la s vistìva da masć par psēr recitàr. C'n un budget ad vint-sinc migliòṅ ad dòlar, 'l à muciâ sù un sucès clamuróś in tut al mónd cun 'n incàs ch'al và da 'd là di duśènt-utantanóṿ migliòṅ ad dòlar.

Sunt

In dla Lóndra dal 1593 'l impreśàri Philip Henslowe (Geoffrey Rush) al gh'à sèmp'r al sò creditōr Fennyman (Tom Wilkinson) adòs parchè chi lò al vōl indrē i sò bèsi e par cal mutìṿ lè al gh prumét la mòrt. Philip al gh śibìs acsè na part di guadàgn ch'al cònta ad far sù cun na cumèdia nóva ad William Shakespeare (Joseph Fiennes) da 'l tìtul Rumèo e l'Ethel, la fiōla dal piràta. Purtròp par lò però al śōvan scritōr al n gh'à minga di idéi bòni e al n à butâ śò gnanc na riga. In cal méntar la Viola De Lesseps (Gwyneth Paltrow), fiōla dna famìja burghéśa, la pasa 'l sò nòt a recitàr i vèrs di sò scrit, insuniànd-as ad psēr-i recitàr a teàtar un dè anc s'a pâr un quèl impusìbil parchè cal dóni i n pōlan mia lauràr in dal mónd dal spetàcul.

Cun 'l ajùt dal puvéta Christopher Marlowe (Rupert Everett), William al gh'à finalmènt n'idéa bòna par la cumèdia. Adès al gh'à da catàr òṅ par la part ad Rumèo.

Culegamènt estéran