Bounce (film)

Da Wikipedia.
Jump to navigation Jump to search

C'l artìcul chè 'l è scrit in Miranduléś Emiliàn

Video-x-generic.svg Bounce
Bounce
Bounce.png
La Gwyneth Paltrow e Affleck in na figùra dal film
A 'l impruvìś
2000
Regia: Don Roos
Scritùr: Don Roos
Atùr: Ben AffleckGwyneth PaltrowTony Goldwyn
Joe MortonNatasha HenstridgeJohnny Galecki
Müsica: Mychael Danna
Lengua: Ingléś
Dürä dal film: 106 minüt
Nasiòṅ: Stat Unî


«
Dū furastēr i s incòntran... òṅ di dū al sà ch'a n è briśa 'n caś.»
(Tagline dal film)


Bounce (A 'l impruvìś) 'l è 'n film dramàtic americàṅ dal 2000 ad Don Roos ch'al 'l à anc scrit. In dla culòna sunóra i s càtan di pès dla Dido (Here With Me), di Massive Attack (Be Thankful (For What You've Got)), dla Beth Orton (Central Reservation) e àt'r incóra.

'L è custâ trénta-sinc migliòṅ ad dòlar ma al 'n à purtâ pò a cà da piò ad sinquànta-tri.

Sunt

Buddy Amaral (Ben Affleck) 'l è 'n śuvnòt put ad sucès ch'al lavóra in dal camp dla reclàm. Dòp avér firmâ 'n cuntràt cun la cumpagnìa Infinity, al śōvan 'l àrmagn blucâ a 'l aeropòrt par via dna timpèsta 'd néṿ. Al cgnós acsè na bèla biónda ad Dallas ch'la lavóra lè, la Mimi (Natasha Henstridge), e Greg Janello (Tony Goldwyn) ch'al gh cònta che a Los Angeles al gh'à na mujér, l’Abby (Gwyneth Paltrow), e dū fiōi, Scott (Alex D. Linz) e Joey (David Dorfman), ch'i 'l aspét'n a par festegiàr al Nadâł. Purtròp lò 'l è dagnóra sèmpar via par lavōr e adès i gh'aṅ scanślâ anc al vōl. Buddy, ch'al gh'à 'n bijét p'r al vōl sucesìṿ, al decìd ad far na bòna asiòṅ e al gh al rigàla anc parchè acsè al gh'à la manéra ad farmàr-'s in hutèl par gusàr-as la Mimi.

Al dè dòp, quànd al s déśda, Buddy al sènt in televiśiòṅ ch'l'è sucèsa na daśgàsia: 'l aparéć ch'al gh'iva da tōr lò 'l è vgnû śò e a n s è salvâ ninsòṅ. 'L è 'n pēś tròp grand par lò ch'al taca acsè a bévar par daśmindgàr.

'N an dòp 'l incidènt, e dòp un perìud in clìnica, Buddy al decìd ad partìr par cgnósar la védva. Quànd la 'l incróśa al n gh cònta gnint ma al taca a jutàr-la in dal sò lavōr 'd agìnta ch'la vénd dal cà. A finìs però ch'i dū i s inamóran e Buddy al pasa 'n fiṅ ad stmana c'n i sò fiōi a 'n parc aquàtic. In cal méntar la Mimi la cata na caséta in du a s véd Greg in di sò ultmi óri 'd vita. Cardénd ad far-'g un piaśēr, la dóna la la pòrta da l’Abby par far-ag védar quànd al gh vliva bèṅ.

Quànd l’Abby la la mét sù la véd sò marè dascórar cun Buddy, cun lò ch'al gh śibìs al sò bijét.

Culegamènt estéran