Ipotesi di reato

Da Wikipedia.
Jump to navigation Jump to search

C'l artìcul chè 'l è scrit in Miranduléś Emiliàn

Video-x-generic.svg Changing Lanes
Ipotesi di reato
Ipotesi di reato.png
Samuel L. Jackson in na figùra dal film
Ipòteśi 'd reàt
2002
Regia: Roger Michell
Scritùr: Chap Taylor • Michael Tolkin
Atùr: Ben AffleckSamuel L. JacksonWilliam Hurt
Sidney PollackToni ColletteAmanda Peet
Müsica: David Arnold
Lengua: Ingléś
Dürä dal film: 99 minüt
Nasiòṅ: Stat Unî


«
Quànd la strada dal sucès l'incróśa qvéla dla vindéta.»
(Tagline dal film)


Ipotesi di reato (Ipòteśi 'd reàt) 'l è 'n thriller dramàtic dal 2002 ad Roger Michell.

Al film 'l à muciâ sù nuànta-sinc migliòṅ ad dòlar esénd-an custâ quarànta-sinc.

Sunt

Gavin Banek (Ben Affleck) 'l è 'n śōv'n avucàt ad sucès ad New York spuśa cun la Cynthia (Amanda Peet), fiōla dal cap dal studi in du 'l lavóra, Stephen Delano (Sydney Pollack). Doyle Gibson (Samuel L. Jackson) al fà 'l asicuradōr e 'l è 'n pàdar cun dū fiōi ch'al s è separâ da sò mujér parchè 'l è 'n imbariagòs. Adès però al s è mis a rigàr drit e insém a 'n sò amìg (William Hurt) al và regularmènt a 'n sèntar ch'al juta la gint cuma lò a dar-'g un taj c'n al bévar. Par tgnir sèg i sò fiōi, e par pruàr a giustàr incòsa cun sò mujér, 'l à cumprâ, faghénd un mutṿo, 'n apartamènt pìcul da mét'r a pòst ma al gh'à prima da cavàr-'g-la a far-as dar 'l afidamènt cundivìś da 'l tribunàl.

Un dè Gavin e Doyle i gh'aṅ 'n incidènt in màchina. P'r al fat ch'l avucàt al gh'à présia parchè al gh'à d'andàr in tribunàl par na càuśa dimóndi impurtànta e 'l n gh'à minga tèmp da pèrdar, Gavin al mòla c'l àtar a 'l sò destîṅ lasànd-ag 'n aségn in biànc par far giustàr la sò màchina scasàda dgénd-ag «'st'atra vòlta l'andrà méj». Quànd però al riva da 'l giùdas al fà a mènt ch'in dal sò bursèl al n gh'à più na cartlìna aràns cun dal prucùri dimóndi impurtànti che s'i n sàltan minga fóra lò e 'l sò studi i èṅ ruinâ dabòṅ. Anc Doyle 'l è in dla mèrda parchè al riva in ritàrd in tribunàl e 'l giùdas 'l à bèla decìś ad lasàr i sò fiōi par sèmp'r a sò mujér Valerie (Kim Staunton) ch'la gh'à intensiòṅ 'd arfàr-as na vita da cl'atra banda dal paéś, in d'l Òregun.

Gavin al gh'à da catàr al sò carti in dal gir ad vint-quàt'r óri, par furtùna ch'a gh vîṅ in mènt 'd avér druâ la cartlìna par far la firma su 'l aségn dònca 'l è fàcil ch'al prucùri al gh li àppia Doyle. Difàti l'è pròpria acsè ma 'l asicuradōr al n gh'à minga intensiòṅ ad dar-'g-li indrē parchè lò al gh'à ruinâ la vita. Su cunsìli dna sò culéga un tèmp sò amànta, la Michelle (Toni Collette), 'l avucàt al dmanda ajùt a 'n tisi ch'ad mistēr al cunvìs c'n al catìvi la gint a far qvél ch'i gh dìś'n i sò cliènt.

Par risòlv'r al pastìs Walter Arnell (Richard Jenkins), sòci anc lò dal studi, al strólga na sulusiòṅ: stampàr ad nóṿ al prucùri druànd pò la firma dal cliènt tòlta via da 'l sò testamènt biulògic.

Culegamènt estéran