Vixen (film)
|
C'l artìcul chè 'l è scrit in
Miranduléś |
 Vixen
| ||
| Vixen | ||
 L'Erica Gavin in na figùra dal film | ||
| id. 1968 | ||
|---|---|---|
| Regìa: Russ Meyer | ||
| Scritōr: Anthony James Ryan Russ Meyer • Robert Rudelson | ||
| Atōr: Erica Gavin • Garth Pillsbury • Jon Evans Harrison Page • Vincente Wallace • Robert Aiken Michael Donovan O'Donnell • Peter Carpenter | ||
| Müsica: Igo Kantor | ||
| Léngua: Ingléś | ||
| Dürä dal film: 71 minüt | ||
| Nasiōṅ: Stat Unî | ||
Vixen (id.) 'l è 'n film eròtic americaṅ dal 1968 ad Russ Meyer ch'l è armàś in di cìnema 'd Chicago par sinquànt'òt stmani 'd fila muciànd sù òt migliòṅ ad dòlar dòp ès'r-an custâ sōl stanta-trimìla.
La pelìcula la gh'à abû dimóndi prubléma in di Stat Unî. Soquànt pruprietàri 'd cìnema ch'i gh'aṅ abû al curàǵ ad far-al véd'r i èṅ finî in parśòṅ o i èṅ stâ custrét a pagàr dal multi salàdi. A Chicago, durànt la prima, dal fémni rabìdi i aṅ fat dal caśèṅ fóra, in dal Mìchigan i aṅ catâ sù dal firmi par scanślàr al film da i schérum, a Cincinnati al film 'l è pruibî incóra adès, in d'l Ohio la cinsùra l'à mandâ un futógrafar par tiràr śò e schedàr tut i spetadōr dal film. Meyer al gh'à abû da far frònt a vint-a-tri prucès e 'l film 'l è finî anc a la Cōrt Supréma d'l Ohio in dua 'l giùdas al s éra mis a véd'r-al da 'd là 'd 'n us sarâ e 'l avucàt dal regìsta 'l à pò cuntâ ch'a s sintìva ch'al n śmitìva briśa 'd rìdar.
In dla léngua ingléśa la vixen l'è la vólpa ma anc na dóna rabìda c'n al diàv'l adòs, na tacabrìghi, na dunàsa in pôchi paròli.
Sunt
La Vixen Palmer (Erica Gavin) l'è na ragàsa purcùsa e visióśa ch'l'è spuśàda c'n al pilòta 'd aparéć Tom (Garth Pillsbury). I dū i vìv'n insém in dla campàgna canadéśa. Quànd sò marè 'l è via però a la Vixen i gh vînan dal vój ad ciulàr ch'la n sà in du star e difàti la gh dà dènt'r cun tut i óm ch'l'incróśa. La taca cun dū turìsta ch'i pasàvan da 'd là, Dave (Robert Aiken) e la Janet King (Vincente Wallace), chi lē dòp avér-la fata imbariagàr cum a s dév. Pò la s fà anc sò fradèl Judd (Jon Evans) sót' a la dócia, cla nimàla...
Niles (Harrison Page) invéci al n và minga bèṅ parchè 'l è 'n négar. A riva lè anc un scuséś cumunìsta, O'Bannion (Michael Donovan O'Donnell), ch'al vrév andàr a star a Cuba.