Mondo Topless

Da Wikipedia.
Jump to navigation Jump to search

C'l artìcul chè 'l è scrit in Miranduléś Emiliàn

Video-x-generic.svg Mondo Topless
Mondo Topless
Mondo Topless.png
La Darlene Grey in na figùra dal film
Mónd Téti 'd fóra
1966
Regia: Russ Meyer
Scritùr: Russ Meyer
Atùr: Babette BardotSin LeneeTrina Lamar
Pat BarringtonDarlene GreyDarla Paris
Müsica: The Alladins
Lengua: Ingléś
Dürä dal film: 60 minüt
Nasiòṅ: Stat Unî


«
Cal bèli tetóni sfaciàdi 'd Russ Meyer.»
(Tagline dal film)


Mondo Topless (Mónd Téti 'd fóra) 'l è 'n ducumentàri eròtic americaṅ dal 1966 ad Russ Meyer ch'al 'l à anc scrit, senegiâ, prudót, futugrafâ e muntâ. Al regìsta califurgnaṅ al gh'à insfilsâ dèntar anc soquànt pès 'd un sò vèć ducumentàri ad tri an prima, Europe in the Raw, e 'l pruvèṅ ch'l'iva fat la Lorna Maitland par ciapàr la part dla prutagunìsta in Lorna dal 1964. La paròla Mondo ch'la s cata in dal tìtul 'l è 'n ciàr riferimènt a 'l gènar mondo ad soquànt ducumentàri itagliàṅ dal perìud cuma Mondo Cane.

'L è stâ girâ c'n un budget stimâ ad dódas-mila dòlar.

Sunt

Al regìsta Russ Meyer al và a pascàr al dóni più bèli ad San Francisco, la sità dal visi, ch'i s càvan śò in di lucài dal pcâ faghénd śbalutàr al téti grôsi tgnénd adrē a 'l ritm dla mùśica.

A gh'è la biónda Pat Barringer (Pat Barrington) ch'la bala c'n i guànt ad vlû e pò basta sóta i câṿ dla curènt lètrica, la Darlene Grey (Darlene Grey) ch'la n s mét minga 'l regipèt a lèt, la Sin Lenee (Sin Lenee) ch'la s cata bèṅ dapartùt a part ch'a sia 'n quèl vérd, la Darla Paris (Darla Paris) ch'la s fà savēr che l'ultma vòlta ch'la li à miśuràdi i éran „36 D“ (80 cm x 12,5 cm, na quàrta in Itàglia) e la Diane Young (Diane Young) ch'la sunàva 'l viulunsèl a tréd'ś an.

E pò incóra la Donna X (Trina Lamar) ch'la diś ch'la fà véd'r al téti a secónda di mumènt e la Babette Bardot (Babette Bardot), mèśa francéśa e mèśa śvedéśa ch'la vōl èsar téndra c'n i óm parchè a lōr i gh piàś'n acsè cal dóni.

Adès anc in Európa al dóni i s èṅ misi a cavàr-as śò p'r al piaśēr di masć cuma la Veronique Gabriel (Veronique Gabriel) in dal Bélgi o la Greta Thorwald (Greta Thorwald) a Cupenàghen o la Denice Duval (Denise Du Vall) a Nancy.

Culegamènt estéran