Motorpsycho!

Da Wikipedia.

C'l artìcul chè 'l è scrit in Miranduléś Emiliàn

Motorpsycho!
Motorpsycho!

Alex Rocco e l'Haji in na figùra dal film
id.
1965
Regìa: Russ Meyer
Scritōr: James Griffith • Hal Hopper
Ross Massbaum • Russ Meyer • Billy Sprague
Atōr: Coleman FrancisHajiHolle K. Winters
Steve OliverJoseph CelliniTimothy Scott
Alex RoccoSharon LeeSteve Masters
Müsica: Paul Sawtell • Bert Shefter
Léngua: Ingléś
Dürä dal film: 74 minüt
Nasiōṅ: Stat Unî


«
Di manìac dla mòta i dàn'n adòs e i cópan p'r andàr sù 'd gir!»
(Tagline dal film)


Motorpsycho! (id.) 'l è 'n film 'd asiòṅ americaṅ dal 1965 ad Russ Meyer girâ in biànc e négar c'n un budget ad dagnóra quarànta-mìla dòlar.

'L è òṅ di prim film su di rabî patî dla mòta, prima 'd I selvaggi ad Roger Corman e 'd Easy Rider ad Dennis Hopper.

Sunt

Brahmin (Stephen Oliver), èx cumbatènt in dal Vietnam, Slick (Thomas Scott), eśaltâ patî par la mùśica rock, e Dante (Joseph Cellini), un narcìś ch'al pénsa sōl par lò, i èṅ tri śōv'n arvèrs cun la pasiòṅ dla mòta. I s pàs'n al tèmp dand adòs a la gint.

Un dè al grup al cópa la mujér dal veterinàri Cory Maddox (Alex Rocco), la śōvna Gail (Holle K. Winters), pò i tìn'n adrē a la Ruby Bonner (Haji), mujér 'd un vèć cun di bèsi ad nóm Harry (Coleman Francis) pò piciâ e masâ p'r un Slick c'n al diav'l adòs. La Ruby invéci la s salva p'r un pēl méntar Brahmin al gh tira dal sćiuptàdi, armagnénd in tut al manéri frida. Cardùda mòrta i tri i la làsan lè insém a 'l cadàvar 'd Harry.

Insém a Cory la dóna la decìd 'd andàr-i a pascàr in dal deśèrt. A gh ś mét anc un sarpènt ch'al mòrśga Cory a na gamba ma la Ruby la gh fà 'n taj e pò la gh ciùcia via 'l sangṿ. In cal mént'r i tri i tàc'n a quistiunàr-as, Slick al vrév mulàr chi àtar dū e purtàr-as via la màchina ma Brahmin al n è minga tant dl'idéa e 'l al masa.

Culegamènt estéran