Ultra Vixens
|
C'l artìcul chè 'l è scrit in
Miranduléś |
 Beneath the Valleyof the Ultra-Vixens | ||
| Ultra Vixens | ||
 La Kitten Natividad in na figùra dal film | ||
| id. 1979 | ||
|---|---|---|
| Regìa: Russ Meyer | ||
| Scritōr: Roger Ebert • Russ Meyer | ||
| Atōr: Kitten Natividad • Ann Marie • Ken Kerr June Mack • Patrick Wright • Henry Rowland Sharon Hill • Uschi Digard • Candy Samples | ||
| Müsica: William Tasker | ||
| Léngua: Ingléś • Spagnōl | ||
| Dürä dal film: 93 minüt | ||
| Nasiōṅ: Stat Unî | ||
Ultra Vixens (id.) 'l è 'n film eròtic americaṅ dal 1979 ad Russ Meyer, al sò ùltim prima dal ducumentàri Pandora Peaks dal 2001. In Itàglia 'l è cgnusû anc c'n al tìtul uriginàł ad Beneath the Valley of the Ultra-Vixens.
'L è stâ girâ in Califòrgna c'n un budget ad duśènt-quarantamìla dòlar.
Sunt
In un paiśèn di Stat Unî a gh viṿ la Lavonia (Kitten Natividad), na tetóna ch'a gh piàś dimóndi gusàr, minga sōl cun sò marè Lamar (Ken Kerr) ma anc cun di àtar ch'la và a pascàr in gir. Chi lò al lavóra cuma sfasacaròsi par na dóna in carna 'd culōr ciamàda Sal (June Mack).
A lèt al ròbi fra la Lavonia e sò marè i n vànan minga tant bèṅ parchè a lò a gh piàś c'l àtar canàł ma lē la n è mia tant dl'idéa, dònca i lìtgan sèmpar. Invéci a la Sal a gh và bèṅ ciapàr-'l acsè sèg.
Par pruàr a métar-'g un pôc ad pēvar, la Lavonia la taca a cavàr-as śò par bèsi in un lucàl cun na pirùca in cô druànd al nóm 'd art ad Lola Langusta e dascurénd in spagnōl. Quànd lò al và a véd'r al spetàcul, sénsa far a mènt che la dóna in sal palc l'è sò mujér, la Lavonia la 'l dròga pò la próa a far-'s-al ligànd-'l a lèt e finalmènt quèl a sucéd.
La Lavonia la próa a cavàr-as dal tut la fam ch'la gh'à c'n un ragasèṅ spauróś in dal fiùm, Rhett (Steve Tracy), pò la buta gl'òć su 'l sgnōr Peterbuilt (Pat Wright) e a 'n tisi ciamâ Semper Fidelis (Michael Finn). In séguit Lamar al la pòrta sèg da 'l dentìsta, al dutōr Asa Lavender (Robert Pearson). Méntar lò al giùsta i dènt a sò mujér, l'infarméra la baśa Lamar e lò al gh astà tirànd-as śò 'l braghi. Purtròp al n sà minga ch'al dutōr, vdénd-al nûd, al gh fà 'n pinsirèṅ. Méntar lò al próa a salvàr-'s al cûl lugànd-as in 'n armàri, al dū dóni i gh dànan dèntar fra lōr dū.