Template:PP/Vetrina/10
Artéccol in dialètt mudnés
Psycho II (id.) 'l è 'n film thriller dal 1983 ad Richard Franklin, séguit dal caplavōr Psyco 'd Alfred Hitchcock dal 1960.
Custâ sinc migliòṅ ad dòlar a 'l incìrca, la pelìcula la 'n à pò purtâ a cà trénta-sinc, faghénd in manéra, vist al sucès, ad dar vita a 'n àtar sequel (Psycho III dal 1986) e a 'n prequel (Psycho IV: The Beginning dal 1990).
Sunt[mudéfica la surzéia]
Dòp vint-a-dū an pasâ in manicòmi, Norman Bates (Anthony Perkins) 'l è giudicâ guarî e saṅ ad mènt e par cal mutìṿ chè 'l pōl èsar mis lìbar. La Lila Loomis (Vera Miles), surèla dla Marion Crane (che Norman 'l iva scurtlâ sóta la dócia) e védva 'd Sam Loomis, la và śò 'd tèsta quànd la sènt la deciśiòṅ di giùdas e la taca a catàr sù dal firmi par far-al turnàr dèntar ma a n gh'è gnint da far. L'à tgnû a bòta anc tròp ma adès la sò arlìa par 'l óm ch'al gh'à ruinâ la vita la n gh'à minga lìmit.