Peccati mortali
|
C'l artìcul chè 'l è scrit in
Miranduléś |
 Deadly Sins
| ||
| Peccati mortali | ||
| ||
| Pcâ murtài 2012/2017 | ||
|---|---|---|
| Gènar: Docufiction | ||
| Stagiòṅ: 6 | ||
| Epiśòdi: 57 | ||
| Regìa: Glenn Miller • Todd Hilyard • Mark Mori Erik S. Weigel • Joe Danisi • Greg Astor | ||
| Scritōr: Tracy Ullman • Susan Levit • Joe Danisi Consuelo Villanueva • Mark Mori • Joshua Koffman | ||
| Atōr: Darren Kavinoky • Mhari Sandoval • Alex Kruz | ||
| Mùśica: Drew Lerdal • Sean Baillie • Marco Pesci | ||
| Duràda: 43 minùt | ||
| Léngua: Ingléś | ||
| Nasiòṅ: Stat Unî | ||
Peccati mortali (Pcâ murtài) l'è na docufiction americàna dal canàł Investigation Discovery ch'la dascór ad fat ad sangṿ sucès dabòṅ fat da gint visióśa ustàǵ di sò visi capitài: supèrbia, piuciarìa, lusùria, invìdia, inśgurdìśia, arlìa o pecundrìa. Vist al sucès i èṅ stadi giràdi siē stagiòṅ par sinquànta-sèt puntàdi in tut.
In Itàglia la série l'è traśmìsa p'r i canài dal grup Discovery Italia cuma Giallo e Nove.
In dal prugràma i prutagunìsta dal stòri i èṅ interpretâ da di atōr e 'l vicéndi i èṅ cuntàdi anc da na vóś ch'la descrìv i fat mént'r in studi di testimòni, parènt véra di persunàǵ o sò amìg, èx giùdas, giurnalìsta, scritōr e avucàt i gh śòntan di particulàr o di sò pinsēr.
Al criminòlug Darren Kavinoky al mónta sù da spés da 'l intèran dna céśa tgnénd i fìi dal dascōrs, faghénd anc di predicòs cóntar tuta cla gint lè visióśa ch'la n è gnanc bòna 'd cuntrulàr-'s e 'd star a 'l mónd, in tut al manéri la giustìsia la gh farà pagàr fiṅ in fónd tut i sò pcâ ch'i i aṅ purtâ a cumétar di masamènt.
Dal vòlti, durànt la ricustrusiòṅ di fat, gl'atōr i guàrdan sćèt in ghigna i spetadōr, faghénd di uciàci da malisióś o da furbèṅ cuma s'i śughìsan sèg o da purcùs mént'r i sa strùsian 'l un cun ch'l'atra quànd i èṅ a lèt.