Oggi domani dopodomani

Da Wikipedia.
Jump to navigation Jump to search

C'l artìcul chè 'l è scrit in Miranduléś Emiliàn

Video-x-generic.svg Oggi domani dopodomani
Oggi domani dopodomani.png
La Spaak e Mastroianni in na figùra dal film
Incō dmaṅ pasadmàṅ
1965
Regìa: Marco Ferreri
Eduardo De FilippoLuciano Salce
Scritōr: Goffredo Parise • Eduardo De Filippo
Isabella Quarantotti • Castellano & Pipolo
Marco Ferreri • Rafael Azcona • Luciano Salce
Atōr: Marcello MastroianniCatherine Spaak
Virna LisiLuciano SalceRaimondo Vianello
Lelio LuttazziUgo TognazziPamela Tiffin
Enzo La TorreWilliam BergerEnnio Balbo
Müsica: Teo Usuelli • Luis Bacalov • Nino Rota
Léngua: Itagliàṅ
Dürä dal film: 95 minüt
Nasiōṅ: ItàgliaFrància


«
Al sò visi 'l éra qvél ad véndar sò mujér... in fiṅ tant ch'al visi 'l è dvintâ vice versa.»
(Tagline dal film)


Oggi domani dopodomani (Incō dmaṅ pasadmàṅ) l'è na cumèdia itagliàna e francéśa a epiśòdi dal 1965 ad Marco Ferreri, 'd Eduardo De Filippo e ad Luciano Salce prudóta par Carlo Ponti. Chi lò al n éra minga parsuàś ch'al film L'uomo dei cinque palloni ad Ferreri girâ a 'l inìsi al fus un lavōl fat bèṅ p'r i gust dal pùblic alóra 'l à decìś ad scurtàr-al e ad śuntàr-'g atàc àtar dū epiśòdi sèmpar cun Marcello Mastroianni prutagunìsta. 'L epiśòdi La moglie bionda 'l è stâ arfàt praticamènt cumpàgn in dal film Ricchi, ricchissimi... praticamente in mutande dal 1982, anc quàl lè scrit par Castellano e Pipolo.

A 'l èstar l'è cgnusùda c'n i tìtui 'd “Aujourd'hui, demain et après-demain” in Frància, “The Man, the Woman and the Money” in di Stat Unî e “Hoy, mañana, pasado mañana” in Argintìna.

Sunt

Prim epiśòdi: L'uomo dei cinque palloni (regìa ad Marco Ferreri)

Mario (Marcello Mastroianni) 'l è 'n industriàł milanéś ch'al fà dal caramèli e ch'al s è mis da pôc cun na ragasōla śōvna, la Giovanna (Catherine Spaak). 'L è 'n precìś ad c'l àtar mónd e al vōl che tut a vaga cum a s dév, cumpàgn a i sò machinàri tedésc. Adès ch'al vōl dar di palunsèṅ insém a 'l sò caramèli al dà a mènt a 'n prubléma che par lò al n gh'à minga sulusiòṅ: quànt ària pōl-la star in un palunsèṅ prima che qvést chè al sćiòpa? Al dvènta mat parchè al n gh salta minga fóra, gnanc 'n insgnēr al gh dà na maṅ. La sò muróśa la sa stufa parchè lò al gh'à sōl cal ciòld fis lè e la 'l mòla. Mario, ch'l iva cumprâ dal tartùfli e dal spumànt par festegiàr al Nadâl sèg, al s masa butànd-as śò par la fnèstra dòp avér magnâ c'n al sò caṅ. Al puprietàri dla màchina buciàda p'r al bòt (Ugo Tognazzi) al s arlìa dimóndi p'r i dan ch'l à patî.

Secónd epiśòdi: L'ora di punta (regìa 'd Eduardo De Filippo)

Michele (Marcello Mastroianni), turnànd in Itàglia da 'l èstar, al và a pasàr soquànt dè a cà dal sò amìg Arturo (Luciano Salce) e ad sò mujér Dorotea (Virna Lisi). I dū i pàr'n inamurâ dimóndi, lē la 'l ciàma “al mè mimèṅ” quànd la gh dà dal śnum davànti a tut, ma un quàlc prubléma a gh'è e quànd lē la s arlìa sèg alvànd la crésta, lò al gh spara 'n cōlp ad pistòla. Par furtùna i spâr i èṅ “a salve” ma minga tut, difàti la dóna, dòp ès'r-as cagàda adòs, la s mét in riga turnànd a far la bòna. Al fat 'l è ch'adès tut i al còpian e in dal quartēr a s sènt dal sćiuptàdi ad cuntìnuv.

Tèrs epiśòdi: La moglie bionda (regìa ad Luciano Salce)

Mario (Marcello Mastroianni) al fà 'l banchēr e al gh'à na mujér biónda ch'l'è la fiṅ dal mónd, l'americàna Pepita (Pamela Tiffin). 'L è sōl un pcâ ch'la n sàppia far da magnàr e la gh'àppia 'n sarvèl da galìna e pò la spénd un muć ad bèsi p'r al sò còmpri ad tut i dè. Mario 'l è stuf ad lē e quànd al sènt ch'a gh'è 'n prìnsip àrab ch'al còmpra a pēś 'd òr dal bióndi in gir p'r al mónd, al próa a śibìr-'g-la. P'r i sò gust lē la sarév parfèta ma purtòp lò al gh 'n à bèla una cumpàgna e 'l afâr al và a muć. Mario al decìd acsè 'd andàr in di paéś àrab par vénd'r-la diretamènt ma, purtròp par lò, al cata òṅ che un harem al gh 'l à dabòṅ, ma minga ad dóni, ad masć. A ciapàr i bèsi l'è acsè la Pepita méntar sò marè 'l è custrét a 'rmàgnar là.

Culegamènt estéran