Come sono buoni i bianchi
|
C'l artìcul chè 'l è scrit in
Miranduléś |
 Come sono buoni i bianchi!
| ||
 La Detmers e Placido in na figùra dal film | ||
| Cum i èṅ bòṅ i biànc! 1988 | ||
|---|---|---|
| Regìa: Marco Ferreri | ||
| Scritōr: Rafael Azcona • Marco Ferreri | ||
| Atōr: Michele Placido • Maruschka Detmers Juan Diego • Michel Piccoli • Pedro Reyes Jean-François Stévenin • Nicoletta Braschi Sotigui Kouyaté • Pascal N'Zonzi • Alex Descas | ||
| Müsica: Jean Pierre Rum | ||
| Léngua: Francéś | ||
| Dürä dal film: 98 minüt | ||
| Nasiōṅ: Itàglia • Frància • Spaggna | ||
Come sono buoni i bianchi! (Cum i èṅ bòṅ i biànc!) l'è na cumèdia dramàtica dal 1988 ad Marco Ferreri. L'è stada giràda in Maròc, a Agadìr, a Ayoune e a Tiznit.
Sunt
Un grup ad vuluntàri, guidâ par Diego Ramirez (Juan Diego), al partìs da l'Europa par purtàr dal magnàr a i pòvar dal Sahel in Àfrica. Rivâ là a s véd subìt ch'i èṅ tut di inśdî, i gh'aṅ adòs di vistî minga adàt, e ch'a gh in fréga 'l giùst. Par purtàr via al magnàr i èṅ prònt sinc càmion.
Òṅ di camiunìsta al s ciàma Michele (Michele Placido). Lì lò al véd subìt che lè in mèś a gh'è na ragasōla minga mâl, briśa la Luisa (Nicoletta Braschi) ma la Nadia (Maruschka Detmers), la più bèla dal grup ad sicûr. Chi lē la s pasa 'l tèmp faghénd dal foto e la gh'à anc un fiōl pìcul a Parì. 'L óm al la fà muntàr sù a 'l sò càmion, acsè al la pōl cgnósar méj.
Durànt al viàś i gh in sucédan ad tut i culōr in fiṅ tant ch'i riv'n in un vilàǵ in dua a gh'è 'n misiunàri francéś, pàdar Jean Marie (Michel Piccoli), ch'al n in pōl piò ad cla vita lè e al vrév turnàr a cà. Pasâ 'l deśèrt, al grup al riva in un pòst in du a viṿ na tribù 'd óm piturâ da schéltar. Chi lōr i bùtan 'l òć subìt a 'l magnàr ch'i vuluntàri i s pòrt'n a drē.
Prima 'd rivàr a destinasiòṅ, al càmion ad Michele al gh'à 'n guàst. Par furtùna lè davśvèṅ a gh'è n'óaśi in dua a s cata da bévar, c'n al grup ch'al n in pōl piò.