La carne
|
C'l artìcul chè 'l è scrit in
Miranduléś |
 La Carne
| ||
 Castellitto e la Dellera in na figùra dal film | ||
| La Carna 1991 | ||
|---|---|---|
| Regìa: Marco Ferreri | ||
| Scritōr: Liliana Betti • Marco Ferreri Massimo Bucchi • Paolo Costella | ||
| Atōr: Sergio Castellitto • Francesca Dellera Philippe Léotard • Sonia Topazio • Nicoletta Boris Farid Chopel • Gudrun Gundelach • Petra Reinhardt Eleonora Cecere • Fulvio Falzarano • Matteo Ripaldi | ||
| Müsica: Kate Bush • Queen • Wilson Phillips Franco Battiato • Milli Vanilli | ||
| Léngua: Itagliàṅ | ||
| Dürä dal film: 90 minüt | ||
| Nasiōṅ: Itàglia | ||
La Carne (la Carna) 'l è 'n film dramàtic dal 1991 ad Marco Ferreri preśentâ a 'l 44śum Fèstival ad Cannes. Quànd 'l è vgnû fóra, 'l à muciâ sù dū migliàrd ad franc a 'l incìrca.
Sunt
Paolo (Sergio Castellitto) 'l è 'n architét ch'al sòna al piàṅ in soquànt lucài ad sira, 'l è divursiâ e al gh'à dū fiōi: la Giulia (Eleonora Cecere) e al pìcul Lucio (Matteo Ripaldi) e un caṅ ch'al s ciàma Giovanni. Al gh'à anc sèmpar paùra 'd avér-ag quèl. Na sira al cgnós in un night la Francesca (Francesca Dellera), una ch'la gh'à la fisa dl'Ìndia e dal tantra e ch'la gh'à abû 'n abòrt quìndas dè prima. Dòp avér fat la malnéta p'r un pôc, lē la gh dmanda 'd andàr sèg la nòt e lò al la pòrta in na sò cà a 'l mâr in dua i faṅ 'l amōr.
Ma lē la n gh 'n à mai asè. I vaṅ acsè a tōr dimóndi magnàr in un supermarcâ e pò i s sèran dènt'r a la cà par ciulàr in cuntinuasiòṅ. Un dè, vdénd-al fiàp, Francesca la gh fà 'n sfrēg tàntric a 'l spali ch'l al sténd ma 'l gh al fà anc gnir sèmpar dûr. E quànd i vàn'n a lèt, i màgnan anc in dal méntar. Un dè i al vàṅ a catàr lè i sò fiōi par dmandàr-ag di bèsi par cònt dla sò vècia mujér ma lò a n è bòṅ ad far gnint, ardùt a lèt cun al cas drit, sénsa psér-as móvar.
Dòp soquànti stmani pasàdi lè, lē la sa stufa e la gh diś ch'la vōl andàr via par tgnir a drē a 'l śgógni. Ma lò, pinsànd a quànd da pìcul 'l iva fat la prima cumugnòṅ e tòlt l'òstia, al la cópa par magnàr-la piàn piàṅ, miténd i sò pès in frigo. Par lò lē l'è Dio.