El cochecito

Da Wikipedia.
Jump to navigation Jump to search

C'l artìcul chè 'l è scrit in Miranduléś Emiliàn

Video-x-generic.svg El cochecito
El cochecito - La carrozzella
Cochecito.png
Na figùra dal film
La carusìna
1960
Regìa: Marco Ferreri
Scritōr: Marco Ferreri • Rafael Azcona
Atōr: José IsbertPedro PorcelAntonio Gavilán
José Luis López VázquezMaría Luisa PonteLepe
Antonio GavilánÁngel ÁlvarezChus Lampreave
Müsica: Miguel Asins Arbó
Léngua: Spagnōl
Dürä dal film: 86 minüt
Nasiōṅ: SpaggnaFrància


«
Don Anselmo al vliva sōl na carusìna p'r armàgnar c'n i sò amìg.»
(Tagline dal film)


El cochecito (La carusìna) 'l è na cumèdia in biànc e négar dal 1960 dal regìsta milanéś Marco Ferreri. A s trata 'd al sò tèrs film girâ in Spaggna dòp El pisito e Los chicos. Al film 'l è trat da la stòria Paralítico ad Rafael Azcona.

L'è stada preśentàda a 'l Fèstival ad Venèsia dal stés an in dua l'à vins al prèmi dla crìtica.

Sunt

Don Anselmo Proharán (José Isbert) 'l è 'n vèć pensiunâ armàś véduv ch'l è custrét a vìvar a cà ad sò fiōl Carlos (Pedro Porcel), ad mistēr avucàt, e dla sò famìja a Madrid. Chi lò però al s fiàca dimóndi a star lè sèg, cun chi àtar ch'i n s al cumpatìsan minga pinsànd ch'al sia sōl un pēś e 'n vèć tarulî e scleròtic.

Don Anselmo al gh'à 'n amìg invàlid, Don Lucas (Lepe), ch'al s è fat na carusìna a mutōr par psēr giràr p'r al stradi insém a di àtar daśgrasiâ cuma lò ch'i gh i aṅ anca lōr. Don Anselmo al s cata bèṅ sèg ma al n pōl minga andàr in gita c'n al grup parchè lò 'l è sénsa carusìna. Turnâ a cà al dmanda a sò fiōl, pîṅ ad bèsi, ad cumpràr-ag-'n una ma lò 'l al manda a giràr al fènic.

Persuàś in tut al manéri ad tōr-'n una anca lò, al decìd acsè ad far da par lò andànd a vénd'r i òr ch'la gh'à lasâ sò mujér quànd l'è mòrta. Cun i bèsi catâ sù al pōl finalmènt pagàr-as la prima rata dla carusìna muturiśàda di sò sógn.

Quànd Carlos al capìs qvél ch'l à fat, al gh la tōś e al gh diś anc ch'al gh farà càuśa, a s pōl dar. P'r avér-la indrē, Don Anselmo al i cópa tut, dand dal vlèṅ a la sò famìja.

Culegamènt estéran