Una storia moderna: l'ape regina

Da Wikipedia.
(Reindirizzamento da Una storia moderna)
Jump to navigation Jump to search

C'l artìcul chè 'l è scrit in Miranduléś Emiliàn

Video-x-generic.svg Una storia moderna: l'ape regina
Storia moderna.png
Tognazzi e la Marina Vlady in na figùra dal film
Na stòria dal dè 'd incō: la béga regìna
1963
Regìa: Marco Ferreri
Scritōr: Rafael Azcona • Marco Ferreri
Massimo Franciosa • Diego Fabbri
Goffredo Parise • Pasquale Festa Campanile
Atōr: Ugo TognazziMarina VladyLinda Sini
Riccardo FelliniAchille MajeroniNino Vingelli
Walter GillerGian Luigi PolidoroPolidor
Renato MontalbanoElvira PaoliniUgo Rossi
Müsica: Teo Usuelli
Léngua: Itagliàṅ
Dürä dal film: 88 minüt
Nasiōṅ: ItàgliaFrància


«
A n al fag mia p'r al piaśēr mio mo par far piaśēr a Dio.»


Una storia moderna: l'ape regina (Na stòria dal dè 'd incō: la béga regìna) 'l è 'n film dramàtic itagliàṅ e francéś dal 1963 ad Marco Ferreri ch'l à patî dimóndi i taj dla cinsùra par la sò manéra sćèta ad dascórar 'd argumènt ch'i s mitìvan cónt'r a qvél ch'la dgiva la Céśa catòlica in alóra. Acsè a 'l tìtul uriginàł ad L'ape regina a s è śuntâ a 'l inìsi Una storia moderna.

'L è stâ preśentâ a 'l 16śum Fèstival ad Cannes, manifestasiòṅ in dua la Marina Vlady l'à vins al prèmi par l'atōra prutagunìsta.

Sunt

Alfonso (Ugo Tognazzi) al s la pasa bèṅ in dla vita. Vindénd dal màchini al pōl pròpria dir ch'i bèsi i n gh màncan minga però, vśinànd-'s a i quarànt'an, 'l è incóra put e 'l decìd acsè 'd catàr mujér. Un dè, cun 'l ajùt 'd un sò amìg frâ, Lorenzo (Polidor), al cgnós la Regina (Marina Vlady), na bèla ragàsa cun di prinsìpi e incóra vìrgin. Chi lē la dvènta acsè la sò muróśa e dòp un fidansamènt minga tant lung, sénsa di quèi spurcaciòṅ in mèś, la 'l spóśa.

La dóna, na vòlta dvintàda sò mujér, la càmbia cuma da 'l dè a la nòt, la dvènta sfaśàda cun sèmpar la vója ad far sès parchè la vōl dvintàr màdar e Alfonso al fà fadìga a star-'g adrē. Quànd pò l'armàgn gravda dabòṅ a la Regina a n gh in fréga più gnint ad sò marè e la 'l lasa sèmpar da na banda par tgnir a drē a 'l putèṅ ch'al gh'à da nàsar. C'n al pasàr dal tèmp, lì lē la dvènta sèmpar più bèla e cuntènta méntar lò al śbiàvda e al s vilìs, tacànd anc a star mâł. Quànd al putèṅ al nas, Alfonso al mōr.

Culegamènt estéran