Ricchi, ricchissimi... praticamente in mutande

Da Wikipedia.
Jump to navigation Jump to search

C'l artìcul chè 'l è scrit in Miranduléś Emiliàn

Video-x-generic.svg Ricchi, ricchissimi...
praticamente in mutande
Ricchi ricchissimi.png
Cicchetti, la Russo e Franco in na figùra dal film
Ric, ric sfundâ... praticamènt in mudàndi
1982
Regia: Sergio Martino
Scritùr: Sergio Martino • Alberto Silvestri
Castellano e Pipolo • Franco Verucci
Atùr: Pippo FrancoLino BanfiEdwige Fenech
Renato PozzettoJanet AgrenGeorge Hilton
Pippo SantonastasoAnnabella Schiavone
Chico DíazAdriana RussoDaniele Formica
Vito CicchettiSandro GhianiMaurizio Mattioli
Müsica: Detto Mariano
Lengua: Itagliàṅ
Dürä dal film: 120 minüt
Nasiòṅ: Itàglia


«
Mo parchè 'l à't guardâ sèmpar lè? In ghigna a gh'ò vargógna!»


Ricchi, ricchissimi... praticamente in mutande (Ric, ric sfundâ... praticamènt in mudàndi) l'è na cumèdia a epiśòdi dal 1982 ad Sergio Martino ambintàda in 'n ufìsi giudisiàri tuscàṅ in dua i s tìnan tri prucès.

In di marcâ ingléś 'l è vgnû fóra c'n al tìtul ad “Don't Play with Tigers”.

Sunt

Prim epiśòdi

Cesare Domenichini (Pippo Franco) 'l è 'n puvràs che, par purtàr la sò famìja a 'l mar, avénd lò sōl mis da na banda gnanc quatarsènt-mila franc, al decìd ad tgnir a drē a i cunsìli dal sò amìg Medoro (Valerio Isidori) e ad tiràr sù na cà abuśìva ad légn in na spiàgia libra in Tuscàna. A la matìna però i gh càt'n anc un grup ad nudìsta, tri ingléśi e 'n rumagnōl ch'al fà al galét sèg, Ermanno Mordini (Vito Cicchetti), ch'al s pòrta adrē al scutmàj ad “baciòc” par via dal quèl grôs ch'al gh'à in mèś a 'l gambi. Cesare al próa in tut al manéri a paràr-al via da 'd lè, anc s'i sò putèṅ i èṅ śmalisiâ abàsta, ma al n gh la cava minga. Un dè al decìd ad ciamàr i carabinēr par far-'g avér di guàj vist che lò al gira sèmpar nûd ma, quànd qvist chè i rìvan, i al védan c'n un sugamàṅ adòs e i n pōlan far gnint. Piutòst i bùtan 'l òć su la cà abuśìva ad Cesare e i gh órdan ad butàr-la śò in quarànt'òt óri o sinò i al met'ràṅ in parśòn. Su cunsìli ad Medoro, Domenichini al và a tōr a Róma al sio ad sò mujér (Gianni Zullo) ch'l è diabètic e dònca i giùdas i n pōlan minga far gnint cónt'r ad lò parchè in cà a gh'è 'n malâ. Ma a prucès al gh và listés parchè Mordini, srand 'l us, al fà crudàr śò incòsa faghénd-as mâł. Cundanâ a dagnóra dū an, Cesare al gh'à da védar sò mujér Maria (Adriana Russo) ch'la 'l salùta insém a Ermanno méntar i pulisiòt i al pòrtan via.

Secónd epiśòdi

Mario Zamboni (Lino Banfi) 'l è 'n pugléś ch'l è andâ a star a 'l nòrd parchè 'l à spuśâ la bulgnéśa Adalgisa Cavallari (Annabella Schiavone). Insém i gh'aṅ n'indùstria ad salùm in dal mudnéś cumpràda c'n i bèsi dla dóna. In vacànsa a Livóran cun la fiōla Aurora (Nicoletta Piersanti), budlòna cuma sò màdar, i cgnósan 'l amiràj in pensiòṅ Ulderisi (Riccardo Garrone) e l’Adalgisa la fà da tut par far fidansàr la sò ragasōla c'n al fiōl ad quàl là, Amerigo (Andrea Azzarito). Mènt'r i èṅ drē a snar, Mario al véd ch'a gh'è na bèla dóna in 'n àtar tàvul ch'la gh strica 'l òć, la tedésca Frau Kruppe (Janet Agren), una ch'la và mata p'r al śōg dal carti. Par psēr andàr-'g a lèt, Zamboni al s mét a śugàr a scópa sèg ma chi lē la 'l férga cambiànd di franc ad lò cun di dòlar fals. Mandâ a prucès p'r avér dâ via di bòṅ fals, al giùdas (Pippo Santonastaso) 'l al manda lìbar parchè par lò la punisiòṅ ad vìvar insém a cla ciciòna ad sò mujér l'è na péna pēśa abàsta.

Tèrs epiśòdi

Alberto Del Prà (Renato Pozzetto) 'l è 'l pruprietàri 'd un cantēr navàł ch'l è davśèṅ a 'l falimènt cun gl'uperàj ch'i èṅ incasâ négar sèg parchè i n ciàpan minga la paga da tri méś. L'ucaśiòṅ par lò la riva quànd Akim (Daniele Formica), segretàri dal sieìc Omar Abdul Youssef El Rāchid (George Hilton), al gh dà 'l incàrag ad far-'g avér un super yacht ma a gh'è na cundisiòṅ: 'l àrab al vōl pasàr na nòt cun la pèrla nùmar trédas dal sò harem o sinò gnint. Alberto, cun l'àqua a la góla, al firma al cuntràt cardénd che quàl là al vlis sò mujér, la Francesca (Edwige Fenech), ch'l'iva balâ par lò la sira ch'i s éran cgnusû, ma a n è briśa acsè: al sieìc 'l iva butâ 'l òć pròpria su 'd lò e al dódas dóni d'l harem i èṅ sōl di travistî. Alberto al próa a scapàr via ma i sò uperàj i 'l armànd'n indrē. Purtâ a prucès, Omar Abdul Youssef al gh manda di fiōr par far-as pardunàr e al gh prumét ch'al gh cumprarà àtar déś barcòṅ se Del Prà al tira indrē la denùnsia. Chi lò al gh astà ma quànd l'è óra 'd andàr fóra da 'l ufìsi giudisiàri al fà véd'r a tut ch'al fà dimóndi fadìga a giràr.

Culegamènt estéran