La donna scimmia
|
C'l artìcul chè 'l è scrit in
Miranduléś |
 La donna scimmia
| ||
 L'Annie Girardot e Tognazzi in na figùra dal film | ||
| La dóna sìmia 1964 | ||
|---|---|---|
| Regìa: Marco Ferreri | ||
| Scritōr: Rafael Azcona • Marco Ferreri | ||
| Atōr: Ugo Tognazzi • Ermelinda De Felice Annie Girardot • Achille Majeroni • Ugo Rossi Filippo Pompa • Elvira Paolini • Eva Belami | ||
| Müsica: Teo Usuelli | ||
| Léngua: Itagliàṅ • Francéś | ||
| Dürä dal film: 100 minüt | ||
| Nasiōṅ: Itàglia • Frància | ||
La donna scimmia (La dóna sìmia) 'l è 'n film dramàtic e grutésc itagliàṅ e francéś dal 1964 ad Marco Ferreri. 'L è stâ prudót par Carlo Ponti e 'l è stâ preśentâ a 'l 17śum Fèstival ad Cannes. La pelìcula, giràda in in biànc e négar, la tōś ispirasiòn da la vita ad Julia Pastrana, na dóna mesicàna visùda in dal daśnuvéśum sècul, śibìda in di circ dal Nòrd Amèrica e dl'Europa par via dla sò ghigna plóśa.
In dal 2008 c'l òpra chè l'è stada sarnìda p'r èsar misa in dla lista di sènt film itagliàṅ da tgnir dacàt.
Sunt
Al napulitàṅ Antonio Focaccia (Ugo Tognazzi), 'n imbrujòṅ ad quàtar sòld ch'al tira avànti faghénd di lavursèṅ ad furtùna, un dè al cata in un cunvènt ad mònaghi n'òrfna quaciàda dapartùt ad pēi, anc in dla ghigna, la Maria (Annie Girardot). A gh vèṅ acsè l'idéa ad tōr-la sèg par śibìr-la in gir par ciapàr sù dimóndi bèsi faghénd di spetàcui cun lē prutagunìsta, la “dóna sìmia”.
Dòp soquànt méś 'l óm al la spóśa p'r interès ma anc un pôc par cumpasiòṅ. Durànt na tournée a Parì lì lē la capìs ad spitàr un putèṅ. Purtròp durànt al part la mōr, acsè cuma sò fiōl. Antonio al decìd listés ad purtàr avànti i sò spetàcui, cuntinuànd a śibìr par tuta l'Europa i còrp imbalsamâ ad sò mujér e dal putèṅ.