Nieves Navarro

Da Wikipedia.
Jump to navigation Jump to search

C'l artìcul chè 'l è scrit in Miranduléś Emiliàn

La Nieves in na figùra dal film Tutti i colori del buio (1972)


La Nieves Navarro García, cgnusùda méj cuma Nieves Navarro ma anc c'n al sò pseudònim americaniśâ 'd Susan Scott (Almería, 10 ad Nuvémbar dal 1938), l'è n'atōra spagnōla.

L'è stada spuśàda c'n al regìsta e prudutōr itagliàṅ Luciano Ercoli mòrt in dal 2015. Dòp na caréra fata dagnóra tuta in Itàglia adès l'è turnàda a star in Spaggna.

Biugrafìa

La Nieves la taca la sò caréra 'd atōra faghénd la spia Doris in dal film ad Totò dal 1964 Totò d'Arabia. Dòp soquànt film western ad Duccio Tessari e 'd àtar regìsta girâ in di an Ssanta, in dal 1970 la tōś part a 'l śal Le foto proibite di una signora per bene ad Luciano Ercoli ch'al dvintarà sò marè e ch'al laurarà sèg anc in atri pelìculi thriller cuma La morte cammina con i tacchi alti (1971), La morte accarezza a mezzanotte (1972), Troppo rischio per un uomo solo (1973) e in dla cumèdia La bidonata (1977).

C'n al pseudònim ad Susan Scott la gira atri pelìculi śali in di an Stanta cuma Tutti i colori del buio ad Sergio Martino, insém a l'Edwige Fenech, Rivelazioni di un maniaco sessuale al capo della squadra mobile e Passi di danza su una lama di rasoio.

In séguit, dòp la cumèdia Noi siam come le lucciole, la lavóra cun Joe D'Amato in Emanuelle e gli ultimi cannibali e in Orgasmo nero in dua la fà la part dna ninéta nimàla.

Filmugrafìa

Culegamènt estéran