Orgasmo nero

Da Wikipedia.
Jump to navigation Jump to search

C'l artìcul chè 'l è scrit in Miranduléś Emiliàn

Video-x-generic.svg Orgasmo nero
Orgasmo nero.png
La Ramírez e la Susan Scott i na figùra dal film
Urgàśum négar
1980
Regia: Joe D'Amato
Scritùr: Joe D'Amato • Donatella Donati
Atùr: Susan ScottRichard Harrison
Lucía RamírezMark ShannonAnnj Goren
Müsica: Stelvio Cipriani
Lengua: Ingléś
Dürä dal film: 90 minüt
Nasiòṅ: ItàgliaRepùblica Dumenicàna


«
Fra sès e vudù, la stòria 'd amōr ch'la squàsa da piò fra dū dóni a i Caràibi.»
(Tagline dal film)


Orgasmo nero (Urgàśum négar), cgnusû anc cuma La salamandra dalla pelle di luna, 'l è 'n drama eròtic dal 1980 ad Joe D'Amato ch'al 'l à anc scrit insém a la Donatella Donati.

La pelìcula la fà part dal „perìud eśòtic-eròtic“ dal regìsta rumàṅ, 'n insém ad film spurcaciòṅ girâ a Santo Domingo. La cunsulénsa su 'l vudù 'l è 'd Garcia Romero.

Sunt

Su l'ìśula 'd Santo Domingo 'n óm ch'l è drē a murìr p'r èsar stâ murśgâ a na gamba da 'n squâl al vîṅ masâ da i suo in manéra ch'al sò spìrit al pòsa armàgnar sèmpar cun sò fiōla, l’Haini (Lucía Ramírez), ch'la gh magna 'l cōr par dar-ag la paś etérna. La ragàsa la cgnós pò l’Helen (Susan Scott), n'americàna ch'l'è rivàda lè in vacànsa par catàr sò marè scritōr, Paul (Richard Harrison). Fra i dū al ròbi i n vànan minga tant bèṅ parchè lò al n gh la cava briśa a 'vér di fiōi e 'l n è minga brâṿ a lèt tant che quànd i gùsan lē la pâr na statṿa e pò la fà da par lē quànd lò al và a far un gir.

L’Helen e cl'atra i dvènt'n amìghi par la pèl, i faṅ al bagn insém a 'l mâr e l’Haini la s fà 'n sibiōl c'n un spróc e la bala nûda ch'a pâr ch'la gh'àppia al diav'l adòs, ma quànd la turìsta la vōl turnàr in di Stat Unî la caraìbica la n pōl minga andàr sèg parchè la gh'à da tgnir adrē a sò màdar. La tradisiòṅ la diś ch'l è 'n òblig p'r al fiōli far-al, fóra ch'a n sia la màd'r a paràr-la via. P'r al sò bèṅ e par dar-'g un futûr più bèl, la màdar la la manda via fra 'l làgarmi dòp avér-ag dâ 'n squantèr'n ad cōlp ad scùria.

Na vòlta a cà l’Helen la preśénta l’Haini a i sò amìg ma quànd una dal grup la taca a far di sfrēg ìntim a la ragasōla eśòtica lē la s 'n à par mâł anc s'a dir-la tuta la più malnéta dal dū l'è pròpria 'americàna ch'la s fà dar da 'n amìg ad famìja squasamarléti, Harry, e pò da 'n àtar tisi cgnusû in un bar. Adès però l'è l’Haini a èsar gelóśa quànd la i bèca gusàr e la próa a masàr 'l óm c'n un machete ma lò 'l schiva 'l cōlp e pò al gh i mòla prima 'd andàr via. Alvàda da lèt a riva subìt l’Helen a dar-ag dal śnum e a baśàr-la.

Culegamènt estéran