Il vizio di famiglia
|
C'l artìcul chè 'l è scrit in
Miranduléś |
 Il vizio di famiglia
| ||
 La Fenech e la Juliette Mayniel in na figùra dal film | ||
| Al visi 'd famìja 1975 | ||
|---|---|---|
| Regìa: Mariano Laurenti | ||
| Scritōr: Gianfranco Couyoumdjian Cesare Frugoni • Marino Onorati | ||
| Atōr: Edwige Fenech • Renzo Montagnani Juliette Mayniel • Nieves Navarro • Roberto Cenci Gigi Ballista • Orchidea de Santis • Anna Melita | ||
| Müsica: Gianni Ferrio | ||
| Léngua: Itagliàṅ • Vènet • Francéś • Latìn | ||
| Dürä dal film: 90 minüt | ||
| Nasiōṅ: Itàglia | ||
Il vizio di famiglia (Al visi 'd famìja) l'è na cumèdia spurcacióna dal 1975 ad Mariano Laurenti.
Sunt
Al cònt Giosuè (Gigi Ballista), industriàł di spaghét dla pruìnsa vèneta, 'l è pîṅ 'd bèsi e 'l tira sèmpar dal madóni ma 'l è vèć e 'l è custrét a vìv'r in carusìna. 'L è spuśâ cun na dóna che na vòlta la fava la putàna, l’Ines (Nieves Navarro), e in dla sò vila i gh stànan anc sò surèla Magda (Juliette Mayniel) e sò anvōd Marco (Roberto Cenci), che lò al n s cumpatìs briśa.
Esénd che la Magda la punta a 'vēr lē l'eredità dal fradèl, la dóna la śibìs di bèsi a 'n èx muróś dla cugnàda péna vgnû fóra 'd parśòṅ, Giacomo (Renzo Montagnani), par vgnir a lauràr cuma majurdòm in dla vila 'd famìja par soquànt dè e gusàr acsè l’Ines, in manéra 'd far-la scanślàr da 'l testamènt na vòlta che Giosuè al 'l is savû. Ma p'r al fat che 'l industriàł 'l è piutòst gelóś, Giacomo al gh'à da far-as pasàr par na chéca.
I sò piàṅ i pàr'n andàr in fum quànd a riva da Sanrémo na ragàsa ciamàda Suzie (Edwige Fenech) ch'la diś 'd èsar la fiōla dal cònt, abùda vint an prima durànt na vacànsa in Ligùria. Anc chi lē la vrév i bèsi tut par lē e a sucéd dònca ch'al tri dóni dla cà i tàc'n a traplàr di tragatèṅ cónt'r al rivàli.