Noi siam come le lucciole
|
C'l artìcul chè 'l è scrit in
Miranduléś |
 Noi siam come le lucciole
| ||
 La Silvia Dionisio in na figùra dal film | ||
| Nuàt'r a sém cuma 'l luśli 1976 | ||
|---|---|---|
| Regìa: Giulio Berruti | ||
| Scritōr: Romeo Costantini • Giulio Berruti | ||
| Atōr: Silvia Dionisio • Robert Hoffmann Paolo Ferrari • Claudio Undari • Nieves Navarro | ||
| Müsica: Alessandro Alessandroni | ||
| Léngua: Itagliàṅ | ||
| Dürä dal film: 90 minüt | ||
| Nasiōṅ: Itàglia | ||
Noi siam come le lucciole (Nuàt'r a sém cuma 'l luśli) l'è na cumèdia eròtica dal 1976 ad Giulio Berruti, chè a 'l sò debùt a la regìa.
In dal film a s sènt la canta dal 1927 “Lucciole vagabonde” ad Bixio Cherubini cantàda in séguit anc par la Gigliola Cinquetti.
Sunt
La Lara Bercost (Silvia Dionisio) l'è na putàna śōvna ch'l'à pasâ soquànt méś in parśòṅ a Róma par via dal sò mistēr ch'l à fat saltàr anc un guèr'n e di minìstar. Quànd la tórna libra, dòp avér mis na préda insìma a la vita 'd prima, la decìd 'd afitàr dal cambri dla sò vila. Ólt'r a la Pilar sò amìga, i rìvan lè anc tri óm: al śugadōr ad rugby Petrus (Claudio Undari), al giurnalìsta americàṅ Walter (Robert Hoffmann) e al regìsta teatràł Igor (Paolo Ferrari) ch'a lèt al vîṅ subìt fórsi parchè òt an prima un becamòrt al s è purtâ via sò màdar. Chi lōr tri i s la gùsan ch'l è 'n piaśēr sénsa però savēr ch'i al faṅ anc chi àtar. Sōl par lōr i la vōlan o sinò a n gh'è mia gust.
Ma i tri óm i n èṅ minga lè par caś ma parchè i gh'aṅ interès a dasfrutàr-la. Petrus al pésca 'n finansiadōr par la sò squàdra, e lē i bèsi la gh i à, Igor 'l è drē a mét'r in pē a teàt'r un spetàcul su la sò vita da 'l tìtul “Nuàt'r a sém cuma 'l luśli” e al vrév che lē la gh ricitìs dèntar p'r avér più sucès méntar Walter al vōl scrìv'r un lìbar su la sò vita par cuntàr i sò segrét e vénd'r acsè un squantèran. La Lara la capìs incòsa e la decìd ad vindicàr-as di masć par far-ag pasàr qvél ch'l'à pasâ lē. Al prim quèl ch'la fà 'l è qvél ad métar dal madśìni par la śdòrmia in dal cafè ad Petrus acsè lò al fà na figùra da ciòld in camp e al vèṅ licensiâ. Pò la pòrta via tut gl'atōr dal spetàcul 'd Igor acsè lò 'l è custrét a srar baràca e buratèṅ. Par finìr al fà métar dla dròga in dla màchina ad Walter par mandàr-'l a prucès e scanślàr-al da 'l alb di giurnalìsta, lasànd-al sénsa bèsi e c'n i cònt di avucàt da pagàr.
Ardùt a la fam, chi lōr tri i èṅ custrét a 'ndàr a lèt cun tut al dóni che la Lara la gh pòrta in cà ma la sò part dal marchéti chi lē la gh li lasa, pròpria cuma s'i fùsan di putàṅ.