Up!
|
C'l artìcul chè 'l è scrit in
Miranduléś |
 Up!
| ||
| Up! | ||
 La Raven De La Croix in na figùra dal film | ||
| Sù! 1976 | ||
|---|---|---|
| Regìa: Russ Meyer | ||
| Scritōr: Anthony James Ryan Russ Meyer • Reinhold Timme | ||
| Atōr: Raven De La Croix • Janet Wood • Foxy Lae Edward Schaaf • Robert McLane • Candy Samples Linda Sue Ragsdale • Monty Bane • Larry Dean | ||
| Müsica: William Loose • Paul Ruhland | ||
| Léngua: Ingléś | ||
| Dürä dal film: 80 minüt | ||
| Nasiōṅ: Stat Unî | ||
Up! (Sù!), cgnusû in Itàglia anc cuma Le deliranti avventure erotiche dell'agente speciale Margò, 'l è 'n film eròtic americaṅ dal 1976 ad Russ Meyer.
'L è stâ girâ in Cànada a Vancouver.
Sunt
Adolph Schwartz (Edward Schaaf) 'l è 'n naśìsta ch'al sumìlia dimóndi a Adolf Hitler. Esénd maśuchìsta e anc pîṅ ad bèsi al s fà dar śò cun na scùria da na dóna urientàla (Su Ling) méntar l'è sintàda sénsa gnint adòs su 'l sò grugn e pò 'l al ciàpa anc da 'n óm ad nóm Paul (Robert McLane), prupietàri 'd un bar insém a sò mujér Alice (Janet Wood). La giurnàda la finìs mâł però parchè qualchidòṅ al gh buta 'n piràgna in dla sò vasca da bagn masànd-al.
In paéś a riva na tetóna c'n i cavìi négar, la Margò Winchester (Raven De La Croix), che però la vîṅ viulentàda subìt méntar la gira darènt a 'n fiùm. C'n un cōlp ad karate la cópa 'l manìac, pò a riva anc un pulisiòt malnét, Homer (Monty Bane), ch'al la ricàta dgénd-ag che s'la n vōl minga andàr in a risć ad finìr-'g in mèś la gh'à da èsar bòna sèg, a s intindém. In tut al manéri a lē a n gh daspiàś gnanc tròp anc parchè 'l agìnt al gh fà catàr un pòst in dal bar d'l Alice. Homer al gh dà dèntar faghénd-'s anc la Pocohontas (Foxy Lae).
Adès ch'in dal bar a gh'è la Margò, al lucàl al gh'à 'n sucès ad c'l àtar mónd e 'l è sèmpar pîṅ 'd óm ch'i gh daṅ dèntar c'n al bévar. Òṅ ad qvist chè, al buscajōl Rafe (Bob Schott), imbariàg pódag e sù 'd gir, al viulénta la Margò, pò al piànta na manàra in dla pansa 'd Homer scapànd in dal bòsc c'n al dū dóni. Homer al gh tîṅ adrē e 'l al taja in dū cun na séga lètrica ma in dal far-al al śbliśga śò da la culìna e al mōr insém a Rafe. La Margò e l’Alice in làgarmi e muśnènti 'd sangṿ i s dànan dal śnum e d'l afèt faghénd 'l amōr insém.
Turnàda a cà la Margò la s fà na dócia ma tut 'd un trat a riva 'n persunàǵ mistrérióś ch'al próa a masàr-la a scurtlàdi. A s trata pròpria dl’Alice, o par dir méj, dl’Eva Braun Junior, fiōla dl'Eva Braun e 'd Adolf Hitler ch'al n éra minga mòrt dabòṅ durànt la secónda guèra mundiàla, al cadàv'r in dal bunker 'l éra tuta na cumèdia, ma 'l éra scampâ druànd al nóm 'd Adolph Schwartz. L'è stada l’Alice a cupàr sò pàdar parchè al s éra inamurâ 'd sò marè méntar la Margò l'è n'agìnta 'd pulisìa ch'l'éra andàda a far dgl'indàśin sóta quaciamènt.