Jelena Dokić

Da Wikipedia.
Jump to navigation Jump to search

C'l artìcul chè 'l è scrit in Miranduléś Emiliàn


La Jelena Dokić tòlta śò in dal Śnàr dal 2012


La Jelena Dokić (Osijek in Cruàsia, 12 'd Avrìl dal 1983, ciamàda in Sèrb Јелена Докић) l'è na tenìsta sèrba ch'l'è stada la nùmar quàtar dal mónd in singulàr (al 19 'd Agóst dal 2002). Par via dla guèra in Juguślàvia, la sò famìja l'è stada custréta a lasàr al sò paéś par stablìr-'s in Austràglia in dal 1994. La Jelena l'è dvintàda acsè austragliàna.

La Dokić, ch'l'è andàda pò a star a Montecarlo, l'è élta 175 cm e la péśa 60 chilo. L'è prufesiunìsta da 'l 1998.

In dla sò caréra l'à śugâ quatórdas finàli WTA, vinsénd-an siē, e na finàl par la mdaja ad brónś a gl'Ulimpìadi ad Sidney dal 2000, pardénd-la cóntar la Monica Seles par 1–6 4–6. L'à śugâ, sénsa vìnsar, anc na finàl 'd un turnèo ad dópi dal Gran Slam. L'è sucès a 'l Roland Garros dal 2001, insém a la Conchita Martínez, ma l'à pardû 2–6 1–6 cóntar la Virginia Ruano Pascual e la Paola Suárez.

Caréra

La vins al sò prim turnèo WTA a Róma al 20 ad Maǵ dal 2001, baténd l'Amélie Mauresmo par 7–6 6–1. Da Setémbar a Utóbar la śōga sinc finàli, vinsénd a Tokyo (cóntar l'Arantxa Sánchez Vicario 6–4 6–2) e a Mósca (cóntar la śugadōra ad cà Elena Dement'eva par 6–3 6–3) ma pardénd a gl'Open dal Braśìl (a vins la Monica Seles par 6–3 6–3), a Śurìg e a Linz, pòst in dua a vins l'americàna Lindsay Davenport, sèmp'r in dū sét.

In dal 2002 la vins àtar dū turnèo ma la pèrd da la Silvia Farina Elia a Straśbûrg e da la Venus Williams a San Diego. La śōga na finàl anc in dal 2003, incóra a Śurìg, ma la pèrd da la Justine Henin par 6–0 6–4.

Prim piàṅ dla Dokić in dal 2009

Par lē a taca un perìud négar (l'éra anc turnàda a star a Bèlgrâd par prutèsta cóntar gl'urganiśadōr di Australian Open): dòp quàt'r an la cróda śò in clasìfica in fiṅ a 'l 349 pòst, separànd-as anc da sò pàdar.

In dal Śnar dal 2009 i gh dànan na carta salvàdga par śugàr gl'Australian Open e lè lē la riva a i quàrt baténd dū top 20: l'Anna Čakvetadze e la Caroline Wozniacki.

In dal 2011 la spara i sò ùltim cólp: la vins al turnèo ad Kuala Lumpur baténd in d'l ùlt'm incóntar la Lucie Šafářová e pò la céd sōl a la Roberta Vinci a 's-Hertogenbosch in Śugn, pardénd la finàla par 6–7 6–3 7–5. A Wimbledon invéci la pèrd subìt da l'atra itagliàna Francesca Schiavone par 4–6 6–1 3–6.

In dal 2012 la và fóra subìt a Auckland, batùda par la Mona Barthel. Stés quèl anc in di turnèo americàṅ: la n pasa gnanc un tùran a Indian Wells, Miami e Charleston, pardénd da la Gisela Dulko 1–0 e bandòṅ, da l'Ekaterina Makarova 6–1 7–5 e da la Galina Voskoboeva 4–3 e bandòṅ.

Culegamènt estéran