Discussioni utente:Gigu1962

Beinvgnû su Wikipedia!

Beinvgnû su Wikipedia, l'enziclopedìa lébbra ech tótt i pólen cambièr! -- Dragonòt (discussioni) 07:23, 23 apr 2013 (UTC)

Sibèin in dû a lavór mè adès...

...Vó-'t vèder ch'a-'t ò ferghê al post ed lavór?! Mo a pert i schérs, mè adès a lavór arèint a la céśa 'd Sant'Ègata. I capanòun i s càten lè, o 'd sòt' a l'avtostrèda, o la da 'd sòt' a 'l pòunt per Lìmid, va bèh, 'm arènd, dgiòm ch'el fàbrichi i s càten fora dal sèinter. Te da indû deśvìn-et? 'L è cèr che s te cat quèl ch'a 't sèr'v in sìm'a 'l pàgini dedichèdi ai diferèint dialèt, léś pùr, mo a 't arcmànd, mutatis mutandis cla pàgina chè perchè 't egh cat pròpi spieghê tùt. A la prochaine fois ch'a gh'ò da turnèr a Sibèin... --Gloria (discussioni) 11:47, 23 Mâg 2014 (UTC)

Mo 'ndû srèv-el Sànt'Almèš? Google Heart al n'm al cata mìnga fòra: dî-'t ch'al n'cgnùsa minga al nòster dialèt? Fàcil! Bèh, s't et sintarê 'd dèr-es na màṅ a mèt'r a post al mèt'r-a-post-àbil, nuèt'r a sòm quèśi sèimper chè 'd atēś per tùt i lavurìr ch'et gh'api biśògn! Dmànda pùr, che la banda di Fantàstic Quàter (Mister Fantàstic, la Dòna Inviśìbil, Al Quèl, al Tisòun umàn), i sràn sèimper pròunt a salvèr-et dai imprevìst e i lavurìr catìv. Còunta pùr in sìm'a la nòstra bànda!! ;-) --Gloria (discussioni) 17:44, 23 Mâg 2014 (UTC)

'T gh'arê ragiòun, a n'sò gnanca piò mè sernìr quèl ch'l è carpśàn da quèl ch'al n'l è mìa, che chè in dû stàg, ed ginta pròpi pròpi carpśàna a sròm armèś un 40%, mo per ciacarèr a bśògna te 't adàt a chègli ètri parlèdi, e alóra, adàt-et incō, adàt-et edmàn, in dla me tèsta a s è mis'cê in cósa... S't em dê l'invièda in napuletàn, mè a cuntinuarò ind un perfèt afragoléś, s't em invìi in lucàn, mè a 'ndarò avànti ind un piùccheparfèt metapontéś, in dal venesiàn mè a cupiarò l'inflesiòun dal Guldòun, ind un romanèsc, a cupiarò cùm'i ciacàren i śugadōr dla Ròma: mè a 'm sun adatèda in pòc tèimp, vìst anc che per mistēr, tra tùt i còumpit ch'al gh'à al jòlly dla dìta, a 'm tòca anca rispònd'r al telèfon, mè tùt' el volti, p'r empatìa, a tóg sù la parlèda 'd quèl ch'a 'm descòr in cal mumèint lè: da fer invìdia a 'n poliglòta - da disprèr-em s'a-j-ò da catèr la purèsa dal mé carpśàn... A tóren un póc in dl'it.wikipedia ch'a 'm è caschê adós na gàta da plèr, pò quand a-j-arò giustê i lavór (va-'l bèin a 'l post ed 'lavurìr'?) là ded là, alóra a turnarò chè a impinìr na quèlc paginèda in carpśàn parfumê.. :-) --Gloria (discussioni) 07:24, 24 Mâg 2014 (UTC)

...mo chèr al noster Gigu62...

...mo dìo, cùm'a som cuntèint che 't sìi vgnû a fèr-es cumpagnìa in dal scrìver chè dèinter: a crèd 'd interpretèr anc al sentimèint di mé coléga, i Lévi, Miranduléś, Rei Momo, ch'a som più o meno sèimper chè... 'T î propia brèv brèv e a vliva perciò fèr-et i mé cumplimèint, mo anca, che a cred anc chè, 'd interpretèr quèl ch'l è al pinsér ed tùt nuèter, a vliva apùnt dìr-et che s te gh'ê da fèr soquànti śunti, strìca un pò de più al nùmer del volti te i vê a salvèr, che altrimèinti pò ind un artìcul a gh'vin na còva 'd cronologìa 'd salvamèint fat dadrē dimòndi lunga. Mo a 't dìg n'ètra volta, tō-la bèin, ch'a nn'è mìa per fèr et n'oservasiòun dispetóśa, ansi! A présti, dòunca, --Gloria (discussioni) 10:20, 16 giu 2014 (UTC)

Mo sè, ch' at î al bèinvgnû! Fà tùt i tó lavōr, che mè a sun adrē a fèr un quèl diferèint dèint'r al 7... A présti, --Gloria (discussioni) 12:12, 16 giu 2014 (UTC)

Bèh, cumplimèint incòri, a s vèd ch'et gh'ê gli idèi cèri. Mè dagli idèi fìsi a gh'n ò pochi ma ciùnti, di lavór ch'a 'm piaśrèv fèr, na valànga, mo gnìnta blog e poc tèimp crónic: scrìver chè dèinter, 'l è na manéra per tór vìa i pinsér asilànt e la stufèsa: artìcul cìc e quand a gh'la chèv, precìś. Dài, ch'a 'm mèt a l'óvra che altrimèinti stasìra a finìs ch'a n' fag un tûb! --Gloria (discussioni) 21:49, 16 giu 2014 (UTC)