Daria Nicolodi

Da Wikipedia.
Jump to navigation Jump to search
C'l artìcul chè 'l è scrit in Miranduléś Emiliàn
LA Nicolodi in na séna dal film „Profondo Rosso“


La Daria Nicolodi (Firénse, 19 ad Śugn dal 1950) l'è n'atōra e senegiadōra itagliàna, cgnusùda specialmènt p'r i film ad scarésa e thriller ch'l'à fat. In dla sò caréra l'à laurâ cun di regìsta impurtànt dal cìnema itagliàṅ cuma Elio Petri, Dario Argento, Mario Bava, Sergio Citti, Ettore Scola, Mimmo Calopresti e Giovanni Veronesi.

L'è la màdar dl'atōra Asia Argento e l'è stada la mujér dal regìsta Dario Argento.

Biugrafìa

Fiōla 'd 'n avucàt ch'l à fat la reśisténsa e anvōda dna „stria biànca“ amìga 'd Jean Cocteau, la Daria la s trasferìs in di an Ssanta a Róma par studiàr a l'Acadèmia 'd Art Dramàtica, laurànd pò in televiśiòṅ, a teàt'r e a 'l cìnema in dua in dal 1970 la gh'à la sò prima part 'd atōra, qvéla dn'infarméra, in dal film Uomini contro ad Francesco Rosi. Dòp un lavōr cun Elio Petri (La proprietà non è più un furto), in dal 1975 la cgnós Dario Argento, ch'al dvintarà sò marè, in dal set ad Profondo Rosso. La Nicolodi la dà pò 'l sò cuntribùt a la senegiadùra 'd Suspiria, arcundànd i racònt ch'la gh fava sò nunòna da pìcula, e 'd Inferno, film in dua la rècita anc. P'r al regìsta rumàṅ la fà anc Tenebre in dal 1982 e Phenomena in dal 1985.

A prupòśit ad cal film chè, in n'intervìsta a "Primavisione Cinematografica" l'atōra tuscàna la n s diś minga tant cuntènta 'd cla pelìcula chè dgénd «A mè i film ad scarésa i m piàśan dimóndi e Dario 'l è dimóndi braṿ. A gh'ò però da far un dascōrs a part par "Phenomena", un film ch'in na quàlc manéra a pâr via, minga parchè al n sia mia fat bèṅ, esénd ch'a 'l cat bèl, ma par qvél ch'a gh'à dèntar; mè a gh'ò a cōr al prubléma di handicapâ e in "Phenomena" a s vèṅ a savēr ch'i sasèṅ i èṅ un putèṅ dasfurmâ e sò màdar ch'la masa par difénd'r-al. Inólt'r in dal film i bòṅ i èṅ ric e bèi mént'r i catìṿ i èṅ brut e pòvar. A m è simbràda n'òpra dimóndi reasiunària e 'n bèl pas indrē ad Dario, un regìsta ch'a-j-ò sèmp'r amâ ma ch'adès a n gh'ò più intensiòṅ ad lauràr sèg, almànc in fiṅ tant ch'al cuntinuarà su cla strada chè»[1].

A la fiṅ di an Utànta la gira soquànt film ad scarèsa e thriller cuma Le foto di Gioia (cun la Serena Grandi e la Sabrina Salerno), Opera, Paganini horror cun Donald Pleasence e La setta ad Michele Soavi. In séguit la tōś part a quàtar film in du la rècita insém a sò fiōla Asia: Viola bacia tutti, Scarlet Diva, L'assenzio e La terza madre.

Filmugrafìa

La Daria tòlta śò in dal 1975
La Nicolodi in dal 1974

Culegamènt estéran

Nòti