Scarlet Diva

Da Wikipedia.
Jump to navigation Jump to search

C'l artìcul chè 'l è scrit in Miranduléś Emiliàn

Video-x-generic.svg Scarlet Diva
Scarlet Diva.png
L'Asia Argento e la Selen in na figùra dal film
id.
2000
Regia: Asia Argento
Scritùr: Asia Argento
Atùr: Asia ArgentoVanessa MeadowsSelen
Daria NicolodiJoe ColemanLeo Gullotta
David BrandonJean ShepardHerbert Fritsch
Müsica: John Hughes
Lengua: ItagliànFrancéśIngléś
Dürä dal film: 91 minüt
Nasiòṅ: Itàglia


«
“A m daspiàś, l'è la prima vòlta ch'a-j-ò fat 'l amōr.” „Vō't dir-um ch'at sē vìrgin?“ “Nò, a sòṅ na rója.”»


Scarlet Diva (id.) 'l è 'n film dramàtic dal 2000 dl'Asia Argento ch'la 'l à anc scrit.

Par cl'òpra chè l'atōra rumàna l'à vins al prèmi cuma regìsta a 'l debùt a 'l Williamsburg Brooklyn Film Festival Award.

Sunt

L’Anna Battista (Asia Argento) la fà l'atōra e l'è pîna 'd sustenidōr in tut al mónd ch'i n la làsan mai in paś. In dla vita la gh'arév incòsa ma invéci la s sènt sèmpar da par lē e dimóndi śò. C'n i sò bèsi la s còmpra la dròga, acsè cuma la fava cl'imbariagòsa 'd sò màdar (Daria Nicolodi), star dal mónd dal cìnema anc lē, ch'la s fava davànti a lē e a sò fradèl Alioscia (Leonardo Servadio).

Girànd dapartùt par lavōr (Róma, Nàpuli, Lóndra, Amsterdam e Los Angeles) la gh'à la manéra 'd cgnósar dimóndi parsòni cuma 'l scritōr ulandéś Aaron Ulrich (Herbert Fritsch), sfat in dal còrp e in dl'anma a fòrsa 'd tōr dl'eruìna, al prudutōr curót Barry Paar (Joe Coleman), cla malnéta dla Quelou (Selen) ch'la và a lèt sèg e ch'la gh'à da far tut in présia parchè la “diva” la gh'à présia e 'l cantànt austragliàṅ Kirk Vaines (Jean Shepard) ch'al l'à fà inamuràr e ch'al la mét insìnta. A viśitàr-la a gh pénsa 'l ginecòlug, al dutōr Vessi (Leo Gullotta).

Culegamènt estéran