Le foto di Gioia

Da Wikipedia.
Jump to navigation Jump to search

C'l artìcul chè 'l è scrit in Miranduléś Emiliàn

Video-x-generic.svg Le foto di Gioia
Foto di gioia.png
La Sabrina Salerno in na figùra dal film
Al fóto dla Giòja
1987
Regìa: Lamberto Bava
Scritōr: Luciano Martino • Lamberto Bava
Gianfranco Clerici • Daniele Stroppa
Atōr: Serena GrandiDaria NicolodiCapucine
Vanni CorbelliniSabrina SalernoKarl Zinny
David BrandonTrine MichelsenLino Salemme
George EastmanBeatrice KrugerMarcia Sedoc
Müsica: Simon Boswell
Léngua: Itagliàṅ
Dürä dal film: 105 minüt
Nasiōṅ: Itàglia


«
Lì lē la fava vgnir di istìnt bas ch'i finìv'n in depravasiòṅ, scarésa e mòrt.»
(Tagline dal film)


Le foto di Gioia (Al fóto dla Giòja) 'l è 'n film ad scarésa dal 1987 ad Lamberto Bava ricitâ da dū di sex symbol di an Utànta cuma la Serena Grandi e la Sabrina Salerno.

La pelìcula l'è stada giràda a Róma.

Sunt

La Gioia (Serena Grandi), na védva c'n un pasâ da mudèla, la pòrta avànti cun sucès la rivìsta spurcacióna p'r i óm „Pussycat“ cun 'l ajùt dla sò amìga Evelyn (Daria Nicolodi). Al véndidi i èṅ dimóndi élti e la lèśbica Flora (Capucine), ch'la gh fà cuncurénsa, la s rōd al fégat. Da spés la Gioia la ciàma a cà sua dal mudèli par far di servìsi futugràfic malnét ma la gh'à 'n vśèṅ śōvan dimóndi curióś e paraliśâ dòp 'n incidènt, Mark (Karl Zinny), ardùt a vìvar in sna scrana a rudèli, ch'al la tîṅ 'd òć ad nascòst c'n un canuciàł.

Na sira la Kim (Trine Michelsen), na mudèla dla rivìsta, la vîṅ insfilsàda da 'n furcàr e pò purtàda via in un studi in dua 'l sasèṅ al gh fà dal fóto cun dadrē un pòster gigànt dla Gioia. Al dè dòp chi lē la cata in dla sò pòsta na létra cun dèntar cal fóto lè. 'L è 'n brut cólp par la rivìsta ma 'n servìsi cun la Sabrina (Sabrina Salerno) cavàda śò in cupertìna la cùcia incóra in élt al véndidi. Al fradèl dla Gioia, Tony (Vanni Corbellini), al gh la cava a purtàr-'s a lèt la Sabrina ma pò al n è briśa bòṅ ad gusàr-'s-la parchè imputènt. A và pèś però a la mudèla ch'la vîṅ saràda dènt'r a la sò cun dal parfùm adòs e lasàda murìr sóta i cólp di bśi dal vrèspi mulàdi lè da 'l manìac.

Quànd la Gioia la ricév al fóto dal sò cadàvar la và fóra 'd tèsta, la pénsa 'd véndar la rivìsta e la s buta in di bras dal sò amànt dna vòlta Alex (George Eastman), turnâ in sità da pôc tèmp. La pulisìa, cun 'l ispetōr Corsi (Lino Salemme), la n sà minga catàr al culpévul, a part dar la cólpa a 'n pòvar fnòć culéga dla Gioia, Roberto (David Brandon), che par scapàr via da lōr al finìs sóta na màchina pardénd acsè la vita.

Invéci 'l sasèṅ, qvél véra, 'l è decìś a srar i cònt cun la Gioia. Al và acsè in dla sò vila in du 'l masa l’Evelyn.

Culegamènt estéran