La setta

Da Wikipedia.

C'l artìcul chè 'l è scrit in Miranduléś Emiliàn

La setta

L'Angelika Maria Boeck in na figùra dal film
La séta
1991
Regìa: Michele Soavi
Scritōr: Dario Argento
Giovanni Romoli • Michele Soavi
Atōr: Kelly CurtisHerbert LomTomas Arana
Michel Hans AdatteGiovanni Lombardo Radice
Mariangela GiordanoAngelika Maria Boeck
Michel AdatteCarla CassolaDonald O'Brien
Müsica: Pino Donaggio
Léngua: ItagliàṅIngléś
Dürä dal film: 116 minüt
Nasiōṅ: Itàglia


«
Al fòrsi dal mâł i aṅ catâ na spóśa nóva!»
(Tagline dal film)


La setta (La séta) 'l è 'n film ad scarésa dal 1991 ad Michele Soavi scrit e prudót par Dario Argento.

Sunt

La Miriam Kreisl la viṿ a Francfòrt e la fà la mistra. Na sira, turnànd a cà in màchina, la mét sóta par la strada 'n vèć, Moebius Kelly (Herbert Lom), e la decìd ad purtàr-al da lē par curàr-al. Chi lò al n è àtar ch'un santòṅ dna séta ciamàda di „sénsa grugn“ ch'al spèta la vgnuda d'l Anticrìst e ch'l è sòlit insfilsàr di insèt sù p'r al buś dal naś di sò cardènt par far in manéra ch'i gh insiminìs'n al sarvèl par custrìnś'r-i a far di masamènt.

Quànd al vèć al mōr al sò cadàvar però al sparìs. La Miriam la sènt però 'n sò mesàǵ a la segreterìa telefònica in du Moebius al gh admànda indrē un sò diàri ch'l iva lasâ a cà sua. In cal méntar a mōr na sò amìga, la Katryn (Mariangela Giordano), cupàda da 'n camiunìsta rabî (Richard Sammel).

Al dutōr Franz (Michel Hans Adatte) al cata 'l diàri e pasànd un pós, da drē da na sēṿ, al buta 'l òć a i mémbar dla séta ch'i èṅ drē a far un sacrifìsi, cavànd via la pèl da 'l grugn dna dóna ciamàda Claire Henri (Angelika Maria Boeck), e ch'i vōlan far parturìr a la Miriam 'l Anticrìst. Par far-al a gh'è prònt un brut uślàs ch'al gh'à da gusàr-la.

Culegamènt estéran