Colin Farrell

Da Wikipedia.

C'l artìcul chè 'l è scrit in Miranduléś Emiliàn

Colin Farrell tòlt śò a Turònt in dal 2007


Colin James Farrell (Castleknock, 31 ad Maǵ dal 1976), cgnusû méj cuma Colin Farrell, 'l è 'n atōr irlandéś, vinsidōr 'd un Golden Globe p'r al film In Bruges - La coscienza dell'assassino.

Biugrafìa

Ùltim ad quàtar fiōi, sò fradèl Eamon jr. 'l è fnòć dichiarâ pò al gh'à anc dū surèli, Colin da śōvan al stùddia balét pò al próa a śugàr a balòṅ cuma sò pàdar Eamon, èx prufesiunìsta 'd fólbar di an Ssanta dla squàdra di Shamrock Rovers. A darsèt an al fà 'n tintatìṿ p'r èsar tòlt in dal grup di Boyzone ma al n gh la cava minga. In séguit al và a star in Austràglia in dua par scampàr al s adàta a lavàr śò. P'r un scambi ad parsòna al finìs anc fra i suspetâ 'd 'n umisìdi, par furtùna ch'l arbgàt al dura sōl pôchi óri.

Turnâ in Irlànda a gh vîṅ la pasiòṅ par la recitasiòṅ e dònca al s iscrìv a la Gaiety School Of Acting ad Dublîṅ. In dal 1996 al rècita in dal telefìlm ingléś Ballykissangel. Tim Roth al gh buta gl'òć adòs e 'l al ciàma par lauràr sèg in dla sò pelìcula Zona di guerra. Ma 'l è cun Joel Schumacher che Farrell al sfónda dabòṅ faghénd al prutagunìsta in dal film Tigerland e pò anc in In linea con l'assassino. A vint-sinc an i s vèran gl'us 'd Hollywood par lò: Colin al rècita insém a Bruce Willis in Sotto corte marziale, pò cun Tom Cruise in Minority Report e cun Ben Affleck in Daredevil in du al fà 'l catìṿ Bullseye. Sèmp'r in dal 2003 al ciàpa la part da prutagunìsta in La regola del sospetto in du al lavóra insém a Al Pacino ch'l al batéśa cuma „'l atōr mijór dla sò generasiòṅ“.

In séguit Colin al tōś part a dal pelìculi indipendénti cuma Una casa alla fine del mondo, giràda insém a la Sissy Spacek, e anc a di blockbuster cuma Alexander 'd Oliver Stone ch'al gh fruta però na candidadùra a i Razzie Awards ma 'l è batû p'r al presidènt di Stat Unî George W. Bush.

In dal 2006 al gira Miami Vice pò 'l an dòp al lavóra cun Woody Allen in Sogni e delitti. In dal 2008 al vins 'n Golden Globe p'r al film In Bruges - La coscienza dell'assassino.

Filmugrafìa

Farrell in dal 2008
Colin in dal 2012
Foto a Cannes 2015
A la prima 'd Triage

Culegamènt estéran

Àtar prugèt