Una casa alla fine del mondo (film)

Da Wikipedia.
Jump to navigation Jump to search

C'l artìcul chè 'l è scrit in Miranduléś Emiliàn

Video-x-generic.svg A Home at the End of the World
Una casa alla fine del mondo
Casa alla fine del mondo (film).png
Colin Farrell e la Robin Wright in na figùra dal film
Na cà a la fiṅ dal mónd
2004
Regìa: Michael Mayer
Scritōr: Michael Cunningham
Atōr: Colin FarrellRobin WrightMatt Frewer
Dallas RobertsBarna MoriczSissy Spacek
Müsica: Duncan Sheik
Léngua: Ingléś
Dürä dal film: 101 minüt
Nasiōṅ: Stat UnîCànada


«
La Famìja la pōl èsar qvél ch'at vō ch'la sia.»
(Tagline dal film)


Una casa alla fine del mondo (Na cà a la fiṅ dal mónd) 'l è 'n film dramàtic americàṅ e canadéś dal 2004 ad Michael Mayer trat da 'l rumànś umònim ad Michael Cunningham. 'L è stâ preśentâ a 'l 61śum Fèstival ad Venèsia.

In dla culòna sunóra dal film i càtan di pès dla Patti Smith (Because the Night), ad Leonard Cohen (Suzanne), ad Bob Dylan (Just Like a Woman), ad Paul Simon (Me & Julio Down by the Schoolyard), di Yazoo (Only You) e àt'r incóra.

Girâ c'n un budget ad siē migliòṅ e mèś ad dòlar, al film al 'n à pò fat sù sōl òṅ e mèś.

Sunt

Bobby Morrow (Erik Smith), un baghét ad nóṿ an ad Cleveland, al s liga dimóndi a 'l sò amìg Jonathan Glover (Harris Allan) e a sò màdar Alice (Sissy Spacek), specialmènt dòp avēr pardû la sò famìja. Quànd però l'è óra 'd andàr in culéǵ par purtàr avànti i sò studi, al stradi di dū i s divìdan.

Soquànt an dòp, dvintâ di śuvnòt, i dū ragàs i s càt'n incóra a New York e Bobby (Colin Farrell) al taca na relasiòṅ cun na ragàsa piutòst strana ch'la spartìs 'l apartamènt c'n al sò amìg, la Clare (Robin Wright), avénd-'g anc un putèṅ sèg. Jonathan (Dallas Roberts) al gh armàgn mâł parchè Bobby 'l éra sò amìg anc a lèt, in tut al manéri al decìd ad tacàr dal stòri nóvi da di atri bandi in fiṅ tant ch'al créd 'd èsar-'s bcâ 'l AIDS.

I tri i decìdan pò ad cumpàr-as na cà luntàṅ da tut e 'd vìv'r insém in fiṅ tant che la Clare la sarnìs 'd andàr a star da sò màdar c'n al putèṅ.

Culegamènt estéran