Bruce Willis

Da Wikipedia.
Jump to navigation Jump to search

C'l artìcul chè 'l è scrit in Miranduléś Emiliàn

Bruce Willis tòlt śò in dal 2006


Walter Bruce Willis (Idar-Oberstein, 19 ad Mars dal 1955), cgnusû méj cuma Bruce Willis, 'l è 'n atōr, prudutōr e muśicìsta americàṅ, vinsidōr 'd un Golden Globe. Da 'l 2006 al gh'à na sò stéla in dla Hollywood Walk of Fame.

Dòp soquànt rōi cic a 'l inìsi di an Utànta, 'l à eśurdî da prutagunìsta in dal telefìlm Moonlighting par pò dvintàr famóś faghénd la part ad John McClane in dal film Trappola di cristallo (1988), prim capìtul dal série ad „Die Hard“.

'L è stâ spuśâ par tréd'ś an cun l'atōra Demi Moore ch'la gh'à dâ tri fiōli, la Rumer, la Scout LaRue e la Tallulah Belle.

Biugrafìa

Nâ in na baś militàra americàna in dla regiòṅ tedésca dla Renàgna Palatinâ, a dū an al và a star c'n i sò genitōr, un suldâ e na raśdóra, in dal New Jersey. Da śōv'n al tartajàva, prubléma ch'l iva capî ch'al gh psiva pasàr recitànd. Mulâ 'l culéǵ, al s inśéggna a far soquànt mistēr, cuma 'l camiunìsta e 'l barìsta, par tiràr avànti, spetànd ad cavàr-'g-la a far 'l atōr.

Dòp èsar stâ scartâ in di pruvèṅ ad Cercasi Susan disperatamente, al vîṅ invéci sarnî par la part ad David Addison in dal telefìlm Moonlighting, pò in dal 1987 al lavóra cun la Kim Basinger in dla cumèdia Appuntamento al buio ad Blake Edwards.

Al sucès par lò al riva in dal 1988 faghénd al prutagunìsta in Trappola di cristallo, film 'd asiòṅ ad John McTiernan. In dal 1990 'l intérpreta al sequel Die Hard 58 minuti per morire - Die Harder e pò anc al tèrs capìtul da 'l tìtul Die Hard - Duri a morire. In dal 1999 al gira al thriller dramàtic The Sixth Sense - Il sesto senso, òṅ di film ch'l à fat più bèsi ad tut in dla stòria dal cìnema (dagnógna setsènt migiòṅ ad dòlar).

Filmugrafìa

'L atōr in dal 1989
Willis insém a sò mujēr e a l'Anne Heche
Bruce versiòṅ cantànt
La sò stéla in dla “Walk of Fame”
Bruce a Lóndra in dal 2007
Sylvester Stallone e Bruce Willis
Un sò diségn

Culegamènt estéran

Àtar prugèt