Tigerland

Da Wikipedia.
Jump to navigation Jump to search

C'l artìcul chè 'l è scrit in Miranduléś Emiliàn

Video-x-generic.svg Tigerland
Tigerland
Tigerland.png
Colin Farrell in na figùra dal film
id.
2000
Regia: Joel Schumacher
Scritùr: Ross Klavan • Michael McGruther
Atùr: Colin FarrellMatthew DavisShea Whigham
Clifton Collins Jr.Tom GuiryRussell Richardson
Nick SearcyAfemo OmilamiJames MacDonald
Müsica: Nathan Larson Ayers
Lengua: Ingléś
Dürä dal film: 100 minüt
Nasiòṅ: Stat UnîGermàgna


«
Al sistéma al vliva far ad lōr di suldâ. Un suldâ al vliva sōl ès'r umàṅ.»
(Tagline dal film)


Tigerland (id.) 'l è 'n film ad guèra americàṅ dal 2000 ad Joel Schumacher girâ cun na màchina da préśa a maṅ c'n al furmâ di sédas milimétar. 'L è stâ 'n flop clamuróś avénd muciâ sù sōl sent-trentanóṿmìla dòlar in tut a frònt 'd un cóst ad déś migliòṅ ma al gh'à abû al mèrit ad cuciàr in élt un śōvan Colin Farrell.

In na séna dal film Bozz al gh'à sèg un lìbar cun na cupertìna négra e al sìmbul dla paś insìma. Cal lìbar lè 'l è na còpia 'd E Johnny prese il fucile ad Dalton Trumbo.

Sunt

In dal Setémbar dal 1971 un grup ad rècluti al vèṅ mandâ a far-'s i òs in un camp 'd adestramènt a Fort Polk. Prima ad partìr par la guèra in Vietnam i pàs'n anc par Tigerland, un padól dla Luiśiàna ch'al s davśìna a 'l ambînt ch'i cat'ràṅ in Àśia.

Miter (Clifton Collins Jr.) al s cata là parchè al vōl far védar ch'al gh'à dal fégat, Jim (Matthew Davis) al vrév scrìvar di lìbar ma 'l à decìś listés ad partìr vuluntàri, Wilson (Shea Whigham) al n véd l'óra ad far-'g-la védar a chi grugn śai, Cantwell (Tom Guiry) al pénsa ch'a n gh sia gnint da far. Roland Bozz (Colin Farrell) invéci 'l è al più arvèrs, al vrév dar-'g a muć e al mét in pē dal manifestasiòṅ ad prutèsta. Avénd studiâ léǵ al s inśégna par catàr la manéra ad far star a cà lò e i sò cumpàgn.

Culegamènt estéran