La regola del sospetto

Da Wikipedia.
Jump to navigation Jump to search

C'l artìcul chè 'l è scrit in Miranduléś Emiliàn

Video-x-generic.svg The Recruit
La regola del sospetto
Regola del sospetto.png
Colin Farrell in na figùra dal film
La règla dal suspèt
2003
Regia: Roger Donaldson
Scritùr: Roger Towne
Kurt Wimmer • Mitch Glazer
Atùr: Al PacinoColin FarrellKenneth Mitchell
Bridget MoynahanGabriel MachtMike Realba
Müsica: Klaus Badelt
Lengua: IngléśPersiàṅRus
Dürä dal film: 115 minüt
Nasiòṅ: Stat Unî


«
Fidùcia. Tradimènt. Imbròj. In dla C.I.A. gnint 'l è cum a pâr.»
(Tagline dal film)


La regola del sospetto (La règla dal suspèt) 'l è thriller dal 2003 ad Roger Donaldson.

Al film 'l à muciâ sù dimóndi bèsi a i butghèṅ, da piò ad sènt migliòṅ ad dòlar, ardupiànd praticamènt i cóst, férum a quarànta-siē.

Sunt

James Douglas Clayton (Colin Farrell) 'l è 'n as dal computer. Dòp avēr mis a punt un prugràma ciamâ Spartacus, ch'l è bòṅ 'd insfilsàr-as sénsa prubléma in dal rédi infurmàtighi dal multinasiunàli, al vîṅ cuntatâ da 'n agìnt dla CIA, Walter Burke (Al Pacino), par lauràr p'r i servìsi segrét americàṅ tulénd part a 'n prugràma 'd adestramènt in na baś dita “La Fàbrica”. A 'l inìsi al ragàs al n è minga tant 'd acòrd ma quànd al s rénd cònt che Walter al gh'à di infurmasiòṅ su sò pàdar, mòrt par 'n incidènt in Perù, al decìd ad star-ag.

James al cgnós subìt un tisi 'd Miami ciamâ Zack (Gabriel Macht), ch'l à imparâ 'l persiàṅ pròpria par psēr dvintàr un dè 'n agìnt segrét, e la Layla Moore (Bridget Moynahan), na ragàsa ch'la gh piàś dimóndi fiṅ da subìt e anc chi lē la sènt quèl par lò. Dòp na próa dimóndi dûra 'd turtùra James al vîṅ scartâ par c'l incàrag lè ma l'è sōl na cumèdia strulgàda par Walter ch'al vōl che lò al faga finta 'd èsar turnâ 'n sivìl par fargàr méj la Layla esénd che chi lē l'è n'agìnta infiltràda di nemìg e la CIA la vōl savēr ch'i èṅ i sò cap.

Culegamènt estéran