Cameron Diaz

Da Wikipedia.
C'l artìcul chè 'l è scrit in Miranduléś Emiliàn
La Cameron Diaz tòlta śò in dal 2010


La Cameron Diaz (San Diego, 30 'd Agóst dal 1972) l'è n'atōra e ardupiadōra americàna.

Biugrafìa

Dòp 'n inìsi in dal camp dla mòda, la fava la mudèla, la Cameron Diaz la gira 'l sò prim film in dal 1994 a vint-i-òṅ an, The Mask - Da zero a mito (La mascra - Da śèr a mit) insém a Jim Carrey par pò pasàr a 'l cìnema indipendènt cun la cumèdia négra Una cena quasi perfetta (Na séna dagnóra parfèta). In dal 1996 la gira 'l thriller Acque profonde (Àqui fóndi) cun Harvey Keitel e Billy Zane e pò Il matrimonio del mio migliore amico (Al matrimòni dal mè più grand amìg) 'l an dòp, un film fat insém a la Julia Roberts e a Rupert Everett ch'a gh pòrta dimóndi furtùna. Sèmp'r in dal 1997 la lavóra insém a Ewan McGregor in dal film ad Danny Boyle Una vita esagerata (Na vita eśageràda).

In dal 1998 la tōś part a dū cumèdi, la prima spurcaciòna e ad sucès, Tutti pazzi per Mary (Tut mat par la Mary), la secónda négra, Cose molto cattive (Quèi dimóndi catìṿ). 'L an dòp 'l è 'l tùr'n ad Essere John Malkovich (Èsar John Malkovich) e 'd Ogni maledetta domenica (Tut al dméndghi maladìdi) 'd Oliver Stone. A 'l inìsi di an Dumìla la gira dū film dal Charlie's Angels, Charlie's Angels e Charlie's Angels - Più che mai. In mèś la cata 'l tèmp par la cumèdia La cosa più dolce (La ròba più dólsa), p'r al thriller fantàstic Vanilla Sky (Cēl ad vanìja) e p'r al stòric Gangs of New York ad Martin Scorsese.

In dal 2009 la gira al thriller fantàstic The Box (La scatla) pò la pasa incóra a la cumèdia cun la pelìcula Innocenti bugie (bali inusènti) in dua la lavóra cun Tom Cruise. In dal 2014 l'è la prutagunìsta dal film spurcaciòṅ Sex Tape - Finiti in rete (Filmâ malnét - Finî in dla réda).

Filmugrafìa

La Cameron Diaz tòlta śò in dal 2012

Culegamènt estéran