Cose molto cattive

Da Wikipedia.
Jump to navigation Jump to search

C'l artìcul chè 'l è scrit in Miranduléś Emiliàn

Video-x-generic.svg Very Bad Things
Cose molto cattive
Cose molto cattive.png
Piven, Slater, Orser, Stern e Favreau
in na figùra dal film
Quèi dimóndi catìṿ
1998
Regia: Peter Berg
Scritùr: Gene Brewer • Peter Berg
Atùr: Cameron DiazChristian SlaterKobe Tai
Jon FavreauLeland OrserJeanne Tripplehorn
Jeremy PivenDaniel SternJoey Zimmerman
Pancho DemmingsBlake GibbonsLinda Klein
Müsica: Stewart Copeland
Lengua: Ingléś
Dürä dal film: 100 minüt
Nasiòṅ: Stat Unî


«
Mai mét'r-as in di pē a na ragàsa ch'l'è drē a spetàr in s'l altàr.»
(Tagline dal film)


Cose molto cattive (Quèi dimóndi catìṿ) 'l è na cumèdia négra americàna dal 1998 ad Peter Berg ch'la tōś ispirasiòṅ da 'n lìbar ad Gene Brewer.

Al film al gh 'l à cavàda a parśàr i cònt, déś migliòṅ 'l à spéś e déś migliòṅ 'l à purtâ a cà.

Sunt

A gh'è sōl na stmana e pò Kyle Fisher (Jon Favreau) e la Laura Garrity (Cameron Diaz) i dvintaràṅ marè e mujér. Chi lē specialmènt la gh tîṅ dimóndi e la s mét a tgnir a drē a tut par far in manéra ch'al sò matrimòni al sia parfèt cuma la s éra sèmp'r insugnàda.

In rispèt a la tradisiòṅ, Kyle al vōl invéci festegiàr a Las Végas i sò ùltim dè da put insém a i sò amìg ad sèmpar: Robert (Christian Slater), Charles (Leland Orser) e i fradèi Michael (Jeremy Piven) e Adam Berkow (Daniel Stern). Méntar chi àtar i s la spàsan in d'l albêrg, fra bvudi a róta 'd còl e dròga, a riva lè la vacàsa che lōr i aṅ ciamâ par far-la cavàr śò par di bèsi e Michael al s la pòrta in bagn par gusàr-la. Durànt la ciulàda però, la ragasōla la śbat la tèsta atàc a 'n rampèṅ e la mōr lè. I sinc, ch'i gh s la faṅ sóta da la paùra, i decìdan, dòp na discusiòṅ pēśa, ad saplìr-la in dal deśèrt ma in cal mént'r a riva lè na guàdia dla sicurésa ch'l'iva sintî di stus; al vèṅ cupâ anca lò.

Dòp avér purtâ via i còrp, i sinc i s càtan a 'l rinfrésc dal matrimòni ad Kyle. Adam al gh'à 'l magòṅ parchè al pénsa a i dū fiōi dla guàrdia armàś òrfan ma Robert, ch'l iva pinsâ lò a tut, al próa a calmàr-al.

Culegamènt estéran