Notte brava a Las Vegas
 What Happens in Vegas
| ||
| Notte brava a Las Vegas | ||
 Kutcher e la Cameron Diaz in na figùra dal film | ||
| Nòt sénsa critèri a Las Vegas 2009 | ||
|---|---|---|
| Regìa: Tom Vaughan | ||
| Scritōr: Dana Fox | ||
| Atōr: Cameron Diaz • Ashton Kutcher • Lake Bell Rob Corddry • Jason Sudeikis • Michelle Krusiec | ||
| Müsica: Christophe Beck | ||
| Léngua: Ingléś • Sèrb-Cruàt | ||
| Dürä dal film: 99 minüt | ||
| Nasiōṅ: Stat Unî | ||
Notte brava a Las Vegas (Nòt sénsa critèri a Las Vegas) l'è na cumèdia americàna dal 2009 ad Tom Vaughan.
Custàda trénta-sinc migliòṅ ad dòlar, la 'n à pò fat sù dagnóra duśènt-vint.
Sunt
La Joy Ellis McNally (Cameron Diaz) l'è na dóna in caréra 'd New York ch'la lavóra a la bórsa 'd Wall Street. Jack Fuller (Ashton Kutcher) 'l è 'n śōvan bòṅdagnìnt ch'al fà 'l marangòṅ in dl'aśiénda 'd sò pàdar Jack Fuller Sr. (Treat Williams). Quànd chi lò al decìd ad lasàr-'l a cà parchè 'l è 'n scansafadìghi patintâ, al sò amìg avucàt da quàtar sòld Hater (Rob Corddry) al gh sugerìs 'd andàr a far na vacànsa a Las Vegas par lasàr-as cal perìud brut lè a 'l sò spali.
Rivâ in dla “sità dal pcâ”, Jack 'l incróśa lè la Joy ch'in cal méntar l'è stada mulàda da 'l sò muróś migliardàri e dònca la s è fata purtàr in Nevàda da la sò amìga barìsta Tipper (Lake Bell) par far-as pasàr al magòṅ. Esénd tut dū ciùc abàsta, i finìs'n a lèt insém cla nòt lè dòp ès'r-as spuśâ in quàt'r e quàt'r òt sénsa rénd'r-as cònt ad qvél ch'i éran drē a far. La matìna dòp i decìd'n ad divìd'r-as ma prima Jack al fà na śugàda a la slot machine druànd na munéda ch'la gh'iva dâ la Joy. C'n un cōlp ad furtùna al bèca 'l jackpot vinsénd tri migliòṅ ad dòlar. A cal punt lè sò mujēr l'armàgn sèg parchè la vōl lē la vìnsida e dònca a s finìs in tribunàł in du al giùdas Whopper (Dennis Miller) al fà in manéra 'd blucàr i bèsi urdnànd a i dū 'd vìv'r insém prima 'd decìd'r a chi dar-i.
Fra la Joy e Jack a taca na guèra 'd néruv par védar ch'i mòla prima.