La cosa più dolce...
 The Sweetest Thing
| ||
| La cosa più dolce... | ||
 La Cameron Diaz in na figùra dal film | ||
| La ròba più dōlsa... 2002 | ||
|---|---|---|
| Regìa: Roger Kumble | ||
| Scritōr: Nancy M. Pimental | ||
| Atōr: Cameron Diaz • Christina Applegate Selma Blair • Bryan Anthony • Jason Bateman Thomas Jane • Parker Posey • Georgia Engel | ||
| Müsica: Jonathan Richman | ||
| Léngua: Ingléś | ||
| Dürä dal film: 91 minüt | ||
| Nasiōṅ: Stat Unî | ||
La cosa più dolce... (La ròba più dōlsa...) l'è na cumèdia americàna sénsa pinsēr e anc vulgaròta dal 2002 ad Roger Kumble, vinsidōra dal prèmi par la canta più bruta in di tìtui ad cóa a i The Stinkers Bad Movie Awards, The Penis Song, cantàda insém da 'l tri prutagunìsti, la Cameron Diaz, la Christina Applegate e la Selma Blair.
Custàda quarànta-tri migliòṅ ad dòlar, la 'n à pò fat sù dagnóra ssanta-nóṿ.
Sunt
La Christina Walters (Cameron Diaz) la gh'à vint-i-òt an, l'è bèla e gustóśa e l'è puta. Na sira, insém a la Courtney (Christina Applegate), la decìd ad purtàr in discutéca n'atra sò amìga ch'la s è péna mulàda c'n al sò muróś, la Jane (Selma Blair). In dal méntar ch'la pésca 'n óm da preśentàr a chi lē, la Christina la cgnós un śuvnòt ch'al gh piàś dimóndi, Peter Donahue (Thomas Jane), ch'l è lè par 'l ùltim dè da put ad sò fradèl Roger (Jason Bateman).
La Christina la sènt che lò 'l è 'l óm giùst par lē e dònca la decìd 'd andàr a 'l matrimòni par védar-'l incóra. La partìs insém a la Courtney ma, lung la via, i sa spòrcan tuti 'd pisa par via 'd un tub ch'l éra scupiâ in un cèso pùblic. Al ragàsi i èṅ custréti acsè a cumpràr di vistî nóṿ ma purtròp i gh'anan da tōr ad qvéi strâṅ e sfaciâ.
Rivàdi in céśa, la Christina la s rénd cònt però ch'a spuśàr-as 'l è pròpria Peter e minga sò fradèl.