Keys to Tulsa

Da Wikipedia.
Jump to navigation Jump to search

C'l artìcul chè 'l è scrit in Miranduléś Emiliàn

Video-x-generic.svg Keys to Tulsa
Keys to Tulsa.png
La Deborah Kara Unger in na figùra dal film
Al ciàṿ par Tulsa
1997
Regia: Leslie Greif
Scritùr: Brian Fair Berkey • Harley Peyton
Atùr: Eric StoltzJames SpaderCameron Diaz
Deborah Kara UngerJoanna GoingRandy Graff
Michael RookerMary Tyler MooreJames Coburn
Müsica: Stephen Endelman
Lengua: Ingléś
Dürä dal film: 113 minüt
Nasiòṅ: Stat UnîRégn Unî


«
Ricàt, pasiòṅ e geluśìa in un thriller ch'al n lasa gnanc na via 'd scamp.»
(Tagline dal film)


Keys to Tulsa (Al ciàṿ par Tulsa) 'l è 'n thriller americàṅ e britànic dal 1997 ad Leslie Greif trat da 'l rumànś dal 1989 The Keys to Tulsa ad Brian Fair Berkey.

La pelìcula, giràda a Tulsa, Dàllas e Fort Worth, l'à fat sù sōl sinquantasèt-mila dòlar.

Sunt

Richter Boudreau (Eric Stoltz) al viṿ a Tulsa in Oklahoma e 'l lavóra da giurnalìsta faghénd dal recensiòṅ di film anc s'l è da spés in ritàrd c'n i sò artìcui tant da risćiàr al pòst. Sò màdar Cynthia (Mary Tyler Moore), a 'l cuntràri 'd lò ch'al fà fadìga a pagàr al buléti parchè 'l è sèmp'r in buléta, l'è pîna 'd bèsi ma la n è minga tant gustóśa sèg parchè la preferìs c'l àtar fiōl, Billy (Josh Ridgway).

Richter al gh'à da dar indrē di bèsi a Ronnie Stover (James Spader), traficànt ad dròga ch'l è spuśâ cun la sò èx muróśa, la Vicky (Deborah Kara Unger). Chi lē, p'r èsar dvintàda la mujēr ad cla canàja 'd Ronnie, l'è stada casàda via da la sò famìja e la gh'à di rapòrt sōl cun c'l imbariagòs e deprès 'd sò fradèl, Keith Michaels (Michael Rooker).

Culegamènt estéran