Assassinio sull'Orient Express (film 1974)

Da Wikipedia.
Jump to navigation Jump to search

C'l artìcul chè 'l è scrit in Miranduléś Emiliàn

Video-x-generic.svg Murder on the Orient Express
Assassinio sull'Orient Express
Assassinio sull'orient express.png
Connery, la Bacall, Perkins e Balsam
in na figùra dal film
Masamènt in s'l Orient Express
1974
Regia: Sidney Lumet
Scritùr: Agatha Christie • Paul Dehn
Atùr: Albert FinneyIngrid BergmanLauren Bacall
Jacqueline BissetMichael YorkTristan Sturrock
John GielgudJean-Pierre CasselAnthony Perkins
Vanessa RedgraveMartin BalsamSean Connery
Wendy HillerRichard WidmarkRachel Roberts
Müsica: Richard Rodney Bennett
Lengua: Ingléś
Dürä dal film: 128 minüt
Nasiòṅ: Régn Unî


«
Al cast ad suspitâ insaplâ in un masamènt più grand ad sèmpar.»
(Tagline dal film)


Assassinio sull'Orient Express (Masamènt in s'l Orient Express) 'l è 'n śal ingléś dal 1974 ad Sidney Lumet trat da 'l rumànś umònim dal 1934 dl'Agatha Christie ch'l'à pò fat in tèmp a védar la prima dal film prima 'd murìr. L'Ingrid Bergman par cl'òpra chè l'à vins al Prèmi Òscar cuma atōra minga prutagunìsta.

Cla pelìcula chè l'è custàda un migliòṅ e mèś ad sterlìni ma la 'n à frutâ daśnóṿ.

Sunt

Durànt al viàś in s'l Orient Express che da Ìstanbul 'l al pòrta a Lóndra, al detective Hercule Poirot (Albert Finney) al gh cata insìma anc al sò amìg Bianchi (Martin Balsam) ch'al fà al dirigènt par la Compagnie Internationale des Wagons-Lits. Durànt la secónda nòt, mént'r al trêṅ al pasa p'r i Balcàṅ, 'l óm 'd afâr americàṅ Samuel Edward Ratchett (Richard Widmark) al vèṅ scurtlâ a mòrt in dal sò scumpartimènt e Poirot al taca a indagàr cun 'l ajùt dal dutōr Constantine (George Coulouris).

I suspetâ i èṅ tut i viaśadōr dla prima clas: al segretàri americàṅ dla vitma Hector McQueen (Anthony Perkins), al sò magiurdòm Edward Beddoes (John Gielgud), l'insgnànta Mary Debenham (Vanessa Redgrave), al culunèl d'l eśèrcit britànic Arbuthnot (Sean Connery), la prinsipésa rusa Natalia Dragomiroff (Wendy Hiller) e la sò camaréra tedésca Hildegarde Schmidt (Rachel Roberts), al diplumàtic ungheréś e cònt Rudolf Andrenyi (Michael York) e sò mujér Helena (Jacqueline Bisset), la śvedéśa Greta Ohlsson (Ingrid Bergman) ch'la cata sù di fónd p'r al misiòṅ, l'americàna ch'la ciàcra sèmpar, la sgnóra Harriet Belinda Hubbard (Lauren Bacall), al venditōr ad màchini itagliàṅ Gino Foscarelli (Denis Quilley), al detective privâ Cyrus "Dick" Hardman (Colin Blakely) e 'l respunsàbil dla caròsa dla prima clas Pierre-Paul Michel (Jean-Pierre Cassel).

A s vèṅ a savér che la vitma l'è 'n gangster ìtalo-americàṅ ad nóm Cassetti che soquànt an prima 'l iva fat rapìr na putìna par dmandàr di bèsi in cambi ma pò chi lē l'iva catâ la mòrt.

Culegamènt estéran