Il mattino dopo
|
C'l artìcul chè 'l è scrit in
Miranduléś |
 The Morning After | ||
| Il mattino dopo | ||
 La Fonda e Scott in na figùra dal film | ||
| 'L admàṅ matìna 1986 | ||
|---|---|---|
| Regìa: Sidney Lumet | ||
| Scritōr: James Hicks • David Rayfiel | ||
| Atōr: Jane Fonda • Jeff Bridges • Raul Julia Diane Louise Salinger • Kathleen Wilhoite Geoffrey Scott • Don Hood • Richard Foronjy Fran Bennett • Frances Bergen • Kathy Bates | ||
| Müsica: Paul Chihara | ||
| Léngua: Ingléś • Francéś | ||
| Dürä dal film: 103 minüt | ||
| Nasiōṅ: Stat Unî | ||
Il mattino dopo (’L admàṅ matìna) 'l è 'n thriller girâ in dal 1986 par Sidney Lumet. 'L à fat sù da piò ad vint-sinc migliòṅ ad dòlar in tut a frònt 'd un cóst ad trédas. La Jane Fonda l'è stada candidàda par vìns'r al Prèmi Òscar par l'atōra prutagunìsta.
La Kathy Bates la fà 'n camèo faghénd la part dna pasànta.
Sunt
L’Alex Sternbergen (Jane Fonda) l'è n'atōra in sal viâl dal tramònt e l'è anc n'imbariagòsa. Al sò matrimòni cun Joaquin Manero (Raul Julia), ad mistēr paruchēr, al và mâł parchè qvést chè, dòp déś an ad vita insém, al s è mis a tgnir a drē a l’Isabel (Diane Salinger), fiōla dal giùdas Harding (Michael Prince), e adès al vōl al divòrsi. Anca lē però la gh mét dal suo andànd a lèt cun di óm péna cgnusû.
Na matìna la s darséd cun darènt a lē al cadàvar 'd un futógraf (Geoffrey Scott) ch'la n s arcòrda briśa, anc parchè la sira prima l'iva alvâ dimóndi al gòmat. Lì lò 'l è stâ masâ cun un curtlàs insfilsâ in dal pèt. È-la stada lē ma adès l'à daśmindgâ incòsa o è-la na trapla? Daspràda l’Alex, dòp avér pruâ a scanślàr tut, la taca a scapàr via par tōr 'n aparéć ma tut i vōi par San Francisco i èṅ pîṅ. Lung la via 'l incróśa 'n ex pulisiòt, Turner Kendall (Jeff Bridges), ch'al créd a qvél ch'la gh diś e al gh dà 'l sò ajùt. A s vèṅ a savér ch'al futógraf al s éra mis a far di ricàt a l’Isabel.