Sean Connery

Da Wikipedia.
Jump to navigation Jump to search

C'l artìcul chè 'l è scrit in Miranduléś Emiliàn

Sean Connery tòlt śò in dal 1965
Sean in na figùra dal film Marnie
'L atōr in di pagn ad James Bond
Conney in dal 2008
Sean c'n al stanlèṅ scuséś, al kilt
Na sò fóto di an Ssanta


Sir Thomas Sean Connery (Edinbûrg, 25 'd Agóst dal 1930 - Nassau, 31 'd Utóbar dal 2020, a s lèś /ˈʃɔːn ˈkɒnəɹi/ in ingléś) 'l è stâ 'n atōr e prudutōr britànic, vinsidōr dal Prèmi Òscar dal 1988 cuma atōr minga prutagunìsta par The Untouchables - Gli intoccabili ad Brian De Palma, pelìcula ch'la gh'à frutâ anc un Golden Globe.

Al sè fat cgnós'r in di an Ssanta faghénd la part d'l agìnt segrét James Bond par sèt vòlti, da Agente 007 - Licenza di uccidere dal 1962 a Agente 007 - Una cascata di diamanti dal 1971. In chi an lè 'l à anc laurâ cun Alfred Hitchcock in Marnie e cun Sidney Lumet in La collina del disonore, in Rapina record a New York, in Riflessi in uno specchio scuro e in Assassinio sull'Orient Express trat da 'n rumànś dl'Agatha Christie.

In séguit 'l à recitâ in Caccia a Ottobre Rosso, Highlander - L'ultimo immortale e Il nome della rosa ch'al gh'à parmìs ad vìns'r un BAFTA. Gus Van Sant al 'l à dirèt in Scoprendo Forrester in dal 2000 méntar la sò ultma pelìcula, prima 'd ritiràr-as, l'è stada La leggenda degli uomini straordinari ad tri an dòp.

Vegàṅ, al s è spuśâ par dū vòlti: cun l'austragliàna Diane Cilento, ch'la gh'à dâ 'n fiōl ciamâ Jason, e cun la pitōra Micheline Roquebrune. In dla sò vita al s è impgnâ dimóndi par 'l ambînt e par la tèra in du 'l è nâ, la Scòsia, dand apòǵ a 'l partî nasiunàł scuséś (SNP) e a 'l referéndum par 'l impipendénsa da 'l Régn Unî.

'L è mòrt a nuànt'an in dla sò cà in dgl'ìśuli Bahamas.

Filmugrafìa

Culegamènt estéran

Àtar prugèt