Agatha Christie

Da Wikipedia.
C'l artìcul chè 'l è scrit in Miranduléś Emiliàn
L'Agatha Christie


L’Agatha Mary Clarissa Miller, cgnusùda méj cuma Agatha Christie o anc cuma Lady Mallowan (Torquay, 15 ad Setémbar dal 1890 - Wallingford, 12 ad Śnar dal 1976) l'è stada na scritōra britànica, famóśa p'r i sò rumànś śai ma anc ròśa ch'la firmàva c'n al pseudònim ad Mary Westmacott. In tut l'à scrit 93 rumànś e 17 cumèdi ch'i aṅ vindû dū migliòṅ ad còpi a 'l incìrca in tut al mónd.

La s è spuśàda dū vòlti e la gh'à abû na fiōla ciamàda Rosalind Hicks.

Fra i sò persunàg più cgnusû a 'rcurdém 'l investigadōr bélgi Hercule Poirot e la gustóśa vćina investigadōra Miss Marple, da spés purtâ in di schérum di cìnema cuma in Dieci piccoli indiani ad René Clair (1945), Assassinio sul treno ad George Pollock (1961), Assassinio sull'Orient Express ad Sidney Lumet (1974), Assassinio sul Nilo ad John Guillermin (1978), Assassinio allo specchio ad Guy Hamilton (1980) e Delitto sotto il sole ad Guy Hamilton (1982).