Schleswig-Holstein
|
C'l artìcul chè 'l è scrit in
Miranduléś |
Al Schleswig-Holstein (a s lèś [ˈʃleːsvɪç ˈhɔlʃtaɪ̯n] in tedésc mént'r in danéś 'l è 'l Slesvig-Holsten) l'è na regiòṅ dla Germàgna, qvéla più a nòrd dal paéś. Al cunfìna a nòrd cun la regiòṅ dal Syddanmark (Danimàrca), sparténd-as la penìsula dal Jutlànd tulénd dènt'r anc un pcòṅ dla part tedésca dòp la prima guèra mundiàla, a èst c'n al Meclembûrg-Pomeràgna Anteriōr e a sud cun la sità stat 'd Ambûrg e la Sasògna Basa. La s cata in dal mèś fra 'l Mâr dal Nòrd (òvest) e 'l Mâr Bàltic (èst).
Al Schleswig-Holstein, ch'l è divìś in ùndas sircundàri, dal muntàgni al n in gh'à briśa méntar di lâg e dgl'ìśuli sè.
In tut la mùcia sù da piò ad dū migliòṅ e òt 'd abitànt e na superfìsi ad 15.799,38 km². Al sò caplōg 'l è Kiel cun Lubècca e Flensbûrg atri sità impurtànti. Al sò presidènt, da 'l 2012, 'l è Torsten Albig d'l SPD (sucialìsta).
Persunàg famóś dal Schleswig-Holstein i èṅ Willy Brandt, Thomas Mann e 'l tenìsti Julia Görges e Mona Barthel.
