Sasògna Basa

Da Wikipedia.

C'l artìcul chè 'l è scrit in Miranduléś Emiliàn

Al sò scûd
La Sasògna Basa in rós


La Sasògna Basa (Niedersachsen in Tedèsch, a s lèś [ˈniːdɐzaksn̩]) l'è na regiòṅ dla Germàgna ch'la s cata in dal nòrd-òvest dal stat. A 'l intèr'n a gh'è la sità 'd Bréma ch'la dà vita a na regiòṅ par sò cònt.

La cunfìna a nòrd c'n al mar dal Nòrd, al Schleswig-Holstein, la sità 'd Ambûrg e 'l Meclembûrg-Pomeràgna Anteriōr, a èst c'n al Brandebûrg (p'r un cunsèṅ cic) e la Sasògna-Anhalt, a sud cun la Turìngia, l'Àsia e la Renàgna Setentriunàla-Vestfàglia e a òvest cun l'Ulànda.

In tut la gh'à trénta-sèt sircundàri e la mùcia sù dagnóra òt migliòṅ 'd abitànt (al quàrt par cristiàṅ) par na superfìsi ad 47.614,07 km² (al secónd più grand). In campàggna chè a s dascór incóra al sàsun bas mo sèmp'r ad méno.

La sò capitàla l'è Hannover cun Hildesheim, Wolfsburg, Salzgitter e Braunschweig atri sità impurtànti.

Al sò minìstar presidènt 'l è Stephan Weil dla SPD.

Culegamènt estéran