Scary Movie 4

Da Wikipedia.
Jump to navigation Jump to search

C'l artìcul chè 'l è scrit in Miranduléś Emiliàn

Video-x-generic.svg Scary Movie 4
Scary Movie 4
Scary Movie 4.png
La Regina Hall in na figùra dal film
Film ad Scarésa 4
2006
Regia: David Zucker
Scritùr: Craig Mazin • Jim Abrahams • Pat Proft
Shawn Wayans • Marlon Wayans • Buddy Johnson
Phil Beauman • Jason Friedberg • Aaron Seltzer
Atùr: Anna FarisRegina HallCraig Bierko
Bill PullmanAnthony AndersonLeslie Nielsen
Michael MadsenCarmen ElectraSimon Rex
Charlie SheenMike TysonShaquille O'Neal
Müsica: James L. Venable
Lengua: IngléśGiapunéś
Dürä dal film: 83 minüt
Nasiòṅ: Stat Unî


«
Al quàrt e ùltim capìtul dla trilugìa.»
(Tagline dal film)


Scary Movie 4 (Film ad Scarésa 4) 'l è na cumèdia ad cretinìśia dal 2006 ad David Zucker, séguit di film Scary Movie dal 2000, Scary Movie 2 dal 2001 e Scary Movie 3 - Una risata vi seppellirà dal 2003. La pelìcula la tóś in gir soquànt film ad sucès in di Stat Unî cuma Saw - L'enigmista, The Village, The Grudge, La guerra dei mondi, Million Dollar Baby, I segreti di Brokeback Mountain e at'r incóra.

Al film 'l à muciâ sù dagnóra sènt-utànta migliòṅ ad dòlar a frònt 'd un cóst ad quarànta.

Sunt

La śōvna Cindy Campbell (Anna Faris), esénd armàśa sénsa lavōr, la decìd ad far la badànta dla sgnōra Norris (Cloris Leachman), na vècia ch'la n gh'è piò cun la tèsta a fórsa 'd véd'r al fantàśma 'd un putèṅ mòrt (Garrett Masuda) ch'al vivìva in dla sò cà. In dal quartēr in du la s è stablìda la cgnós acsè al sò vśèṅ Tom Ryan (Craig Bierko) ch'l è vgnû a star lè insém a i sò dū fiōi, Robbie (Beau Mirchoff) e la Rachel (Conchita Campbell), dòp ch'al s è divìś da sò mujér, la Marylin (Molly Shannon).

A n sèrt punt a taca na timpèsta 'd c'l àtar mónd ch'l'anùnsia la vgnuda dna rasa 'd aglièṅ mecànig ch'la taca a cupàr la gint par strada cun di raś làśer. I Stat Unî i èṅ dònca sóta atàc ma 'l presidènt americàṅ Baxter Harris (Leslie Nielsen) al preferìs armàgnar in dla scóla insém a i baghét par cuntinuàr a scultàr na fòla piutòst che far quèl.

In mèś a cal sapèl lè, in du i sitadèṅ i scàpan via cum i pōlan esénd ch'al màchini i n vànan piò, la Cindy l'incróśa la sò amìga Brenda Meeks (Regina Hall) e la finìs sèg in un vilàǵ ad campàggna in du la gint la viṿ incóra cum in dal XIX sécul. Al dū ragàsi i vìnan però ciapàdi parśunēri da gl'aglièṅ e i finìsan, insém a Tom, Robbie e la Rachel, in na cambra dal turtùri in du un putòć ciamâ Bobby 'l à strulgâ na trapla par far-li murìr in dal gir 'd un mìnut s'i n càtan minga na ciàṿ ch'l'è stada insfilsàda in 'n òć dla Cindy. 'D atra part cal bambulòt śbiàvad lè 'l à bèla cupâ Shaquille O'Neal (Shaquille O'Neal) e 'l dr. Phil (Phil McGraw) c'n òṅ di sò śuglèṅ sàdig.

Culegamènt estéran