Cloris Leachman

Da Wikipedia.
Jump to navigation Jump to search

C'l artìcul chè 'l è scrit in Miranduléś Emiliàn

La Cloris Leachman tòlta śò in dal 1970


La Cloris Leachman (Des Moines, 30 'd Avrìl dal 1926 - Encinitas, 27 ad Śnar dal 2021) l'è stada n'atōra americàna, vinsidōra dal Prèmi Òscar dal 1972 cuma atōra minga prutagunìsta in dal film L'ultimo spettacolo ad Peter Bogdanovich.

La gh'à abû sinc fiōi da sò marè, al regìsta George Englund spuśâ in dal 1953.

Biugrafìa

Vinsidōra a vint an dal tìtul ad Miss Chicago in dal 1946, in séguit la taca la caréra 'd atōra, a 'l inìsi specialmènt in soquànt telefìlm cuma Alfred Hitchcock Presenta, Lassie e Ai confini della realtà.

In dal 1956 la lavóra cun Paul Newman in Supplizio pò in dal 1962 cun George Cukor in dal drama Sessualità. In di an Stanta la s fà cgnósar dabòṅ tulénd part a la série Mary Tyler Moore e a i film L'ultimo spettacolo, ch'al gh fruta 'n Òscar, e in Frankenstein Junior in du la s imbrutìs par la part dla Frau Blücher che, quànd a s sènt al sò nóm, tut i cavài i sìgan. In dal 1977 la rècita in n'atra cumèdia 'd cretinìśia, Alta tensione sèmp'r ad Mel Brooks.

In dal 1990 la tórna a lauràr cun Peter Bogdanovich in Texasville mént'r in dal 1999 l'è in dal cast ad La musica del cuore ad Wes Craven.

In di an Dumìla la rècita in dal telefìlm The Ellen Show cun l'Ellen DeGeneres pò la la s cata in soquànti cumèdi da rìdar cuma Avviso di chiamata, Alex & Emma, Babbo bastardo e Scary Movie 4.

Filmugrafìa

La Cloris in dal cast ad „Mary Tyler Moore“
Na fóto dal 1957 dal cast dal telefilm „Lassie“

Culegamènt estéran